ଢେଙ୍କାନାଳ: ଜଣେ ଯୁବକ ବିଷ ପାନ କରି ଆତ୍ମହତ୍ୟା କରୁଥିବାର ଭିଡିଓ ଭାଇରଲ ହେବାରେ ଲାଗିଛି । ଯୁବକ ଜଣଙ୍କ ଫେସବୁକରେ ବିଷ ପାନ କରୁଥିବା ସମୟର 1 ମିନିଟ 47 ସେକେଣ୍ଡର ଲାଇଭ୍ ଭିଡିଓ କରିଛନ୍ତି । ତେବେ ପାରିବାରିକ କିଛି ବିବାଦକୁ ନେଇ ଗ୍ରାମର କିଛି ଲୋକଙ୍କ ଚାପ ଯୋଗୁଁ ସେ ଏପରି ଆତ୍ମହତ୍ୟା କରୁଥିବା ଭାଇରଲ ଭିଡ଼ିଓରେ ଅନୁମାନ କରାଯାଉଛି ।
ଫେସବୁକ୍ ଲାଇଭରେ ଆତ୍ମହତ୍ୟା କଲେ ଯୁବକ
ଯୁବକ ଜଣଙ୍କ ଢେଙ୍କାନାଳ ସଦର ଥାନା ଅନ୍ତର୍ଗତ ତରଭା ଗ୍ରାମର କୁନାଲ ସ୍ବାଇଁ ବୋଲି ଜଣାପଡିଛି । ରବିବାର ରାତିରେ ବିଷ ପାନ ପରେ ଗୁରୁତର ହେବାରୁ ତାଙ୍କୁ ସାଙ୍ଗମାନେ କଟକ ଡାକ୍ତରଖାନାକୁ ଚିକିତ୍ସା ପାଇଁ ନେଇଥିଲେ । ମାତ୍ର ଆଜି(ସୋମବାର) ସକାଳେ କଟକ ଏସସିବିରେ କୁନାଲଙ୍କର ମୃତ୍ୟୁ ଘଟିଥିବା ଜଣାପଡିଛି । ତାଙ୍କ ମୃତ୍ୟୁ ପରେ ତାଙ୍କ ଫେସବୁକରେ ଭିଡିଓ ଭାଇରାଲ୍ ହୋଇଥିଲା ।