ବିପୁଳ ପରିମାଣର ଦେଶୀ ମଦ ଜବତ , ୩ ଅଟକ

ଢେଙ୍କାନାଳ ଜିଲ୍ଲାରେ କାମାକ୍ଷାନଗର ଅବକାରୀ ବିଭାଗ ଓ କଙ୍କଡାହାଡ ପୋଲିସ ମିଳିତ ଭାବେ ଚଢାଉ କରି ବିପୁଳ ପରିମାଣର ଦେଶୀ ମଦ ଜବତ କରିଛନ୍ତି । ୧୦ ହଜାର ଲିଟର ମହୁଲ ପୋଚ ନଷ୍ଟ କରିବା ସହ ୬ ସହ ଲିଟର ଦେଶୀ ମଦ ଜବତ କରିଛନ୍ତି l ଅଧିକ ପଢନ୍ତୁ...

ଢେଙ୍କାନାଳ: ବିପୁଳ ପରିମାଣର ଦେଶୀ ମଦ ଜବତ, ୩ ଅଟକ । କାମାକ୍ଷାନଗର ଅବକାରୀ ବିଭାଗ ଓ କଙ୍କଡାହାଡ ପୋଲିସ ମିଳିତ ଭାବେ ଚଢାଉ କରି ବିପୁଳ ପରିମାଣର ଦେଶୀ ମଦ ଜବତ କରିଛନ୍ତି ।

ଢେଙ୍କାନାଳ ଜିଲ୍ଲାରେ କୋରୋନା ସଂକ୍ରମଣକୁ ରୋକାବା ପାଇଁ ସଟଡାଉନ ଚାଲିଛି । ଏହାର ସୁଯୋଗ ନେଇ ମଦ ମାଫିଆମାନେ ସକ୍ରିୟ ହୋଇଥିବା ଅଭିଯୋଗ ହୋଇଛି । ବିଶେଷ ସୂତ୍ରରୁ ଖବର ପାଇ କାମାକ୍ଷାନଗର ଅବକାରୀ ବିଭାଗ ଓ କଙ୍କଡାହାଡ ପୋଲିସ ମିଳିତ ଭାବେ କଙ୍କଡାହାଡ ଥାନା ଜିରୋ ସାହି ଗ୍ରାମ ଜଙ୍ଗଲ ମଧ୍ୟରେ ଚଢାଉ କରିଛନ୍ତି । ଏହି ଚଢାଉରେ ବିପୁଳ ପରିମାଣର ଦେଶୀ ମଦ ଜବତ କରାଯାଇଛି l

ସୂଚନାଥାଉକି ଏଠାରେ ବିପୁଳ ପରିମାଣର ଦେଶୀ ମଦ ରନ୍ଧା ହେଉଥିବା ଅଭିଯୋଗ ହୋଇଥିଲା l ପୋଲିସ ଓ ଅବକାରୀ ବିଭାଗ ଏହି ସ୍ଥାନ ଉପରେ ଚଢ଼ାଉ କରି ୧୦ ହଜାର ଲିଟର ମହୁଲ ପୋଚ ନଷ୍ଟ କରିବା ସହ ୬ ସହ ଲିଟର ଦେଶୀ ମଦ ଜବତ କରିଛି l ଏହା ସହିତ ମଦ ରଖାଯାଉଥିବା ଡ୍ରମ ଓ ରନ୍ଧା ହେଉଥିବା ଡେ଼କଚି ଓ ପ୍ରସ୍ତୁତି ପାଇଁ ଅନ୍ୟାନ୍ୟ ସାମଗ୍ରୀକୁ ଜବତ କରିଛି । ଏହି ଘଟଣାରେ ୩ ଜଣଙ୍କୁ ଅଟକ ରଖି ପୋଲିସ ତଦନ୍ତ ଜାରି ରଖିଛି ।

ଢେଙ୍କାନାଳରୁ ଉର୍ମିଳା ପାତ୍ର,ଇଟିଭି ଭାରତ