ଢେଙ୍କାନାଳ: ଧରାପୃଷ୍ଠରୁ ବିଦାୟ ନେଉଛନ୍ତି ମା'ଲକ୍ଷ୍ମୀ । ଢେଙ୍କାନାଳବାସୀ ନିରାଡମ୍ବର ଭାବେ ମା'ଙ୍କୁ ଦେଇଛନ୍ତି ମେଲାଣି । ମାତ୍ର ଚଳିତ ବର୍ଷ କୋଭିଡ୍ କଟକଣା ଯୋଗୁଁ ମିଳିତ ଭଷାଣି ଉତ୍ସବ ହୋଇପାରିନାହିଁ । କୌଣସି ବାଜା କିମ୍ବା ରୋଷଣୀ ଉପରେ କଟକଣା ଲାଗିଛି । ସକାଳ ୧୧ଟା ସୁଦ୍ଧା ମା'ଙ୍କୁ ପୂଜା ମଣ୍ଡପ ନିକଟସ୍ଥ ଜଳାଶ୍ରୟରେ ବିସର୍ଜିତ କରାଯାଇଛି ।
ତେବେ ଚଳିତ ବର୍ଷ ମହାମାରୀ କୋରୋନାର କଡା କଟକଣା ପୂଜା ମାହୋଲକୁ ସମ୍ପୂର୍ଣ୍ଣ ଫିକା କରିଦେଇଥିଲେ ମଧ୍ୟ ପରମ୍ପରା ମୁତାବକ ନାନା ନୀତିକାନ୍ତିରେ ୩୮ ଗୋଟି ପୂଜା ମଣ୍ଡପରେ ମା' ଙ୍କୁ ଆବାହନ କରାଯାଇଥିଲା । ସମସ୍ତ ପୂଜା କର୍ମକର୍ତ୍ତାମାନେ କୋଭିଡ୍ କଟକଣା ମାନି ନିରାଡମ୍ବର ଭାବେ କେବଳ ଘଣ୍ଟି ଘଣ୍ଟା ବାଡେଇ ମା'ଙ୍କୁ ଦେଇଛନ୍ତି ମେଲାଣି। ତେବେ ପୋଲିସ ପ୍ରଶାସନ ପକ୍ଷରୁ ସମସ୍ତ ପ୍ରକାର ବ୍ୟବସ୍ଥା କରାଯାଇଥିଲା ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
