ଢେଙ୍କାନାଳ: ଆରମ୍ଭ ହୋଇଯାଇଛି ପ୍ରସିଦ୍ଧ ଗଜଲକ୍ଷ୍ମୀ ପୂଜା । କୋଭିଡ କଟକଣାରୁ ମାହୋଲ ଫିକା ସତ୍ୱେ ଆଧ୍ୟାତ୍ମିକ ପରିବେଶରେ ବୁଡି ରହୁଛି ଢେଙ୍କାନାଲ ସହର । ୩୮ଟି ପୂଜା ମଣ୍ଡପରେ ପୂଜା ପାଉଛନ୍ତି ମା ଧନଦାତ୍ରୀ । ଶାନ୍ତି ଶୃଙ୍ଖଳା ପାଇଁ ୭ ପ୍ଲାଟୁନ ପିଲିସ ଫୋର୍ସ ମୂତୟନ କରାଯାଇଛି ।
ତେବେ ମଣ୍ଡପ ଚାରିପଟେ ପରଦା ଆଢୁଆଳରେ ମାଙ୍କର ପୂଜାର୍ଚନା ଚାଲି ଥିବାବାରୁ ମାଙ୍କ ସିଧାସଳଖ ଦର୍ଶନରୁ ବଞ୍ଚିତ ହୋଇଛନ୍ତି ଶ୍ରଦ୍ଧାଳୁ । ଏପଟେ କଡା କଟକଣା ରହିଥିବାରୁ ଲକ୍ଷ୍ମୀପୂଜାକୁ ଆକର୍ଷଣ କରୁଥିବା ଦୋଳି, ଫାଷ୍ଟ ଫୁଡ଼, ମିନା ବଜାର ଆଦି ଦେଖିବାକୁ ମିଳୁ ନଥିବାରୁ ଶ୍ରଦ୍ଧାକୁ ମାନଙ୍କୁ ନିରାଶ କରିଛି । ଏସବୁ ସତ୍ୱେ ଶାନ୍ତି ଶୃଙ୍ଖଳା ପାଇଁ ସହରକୁ ୩ଟି ସେକ୍ଟରରେ ବିଭକ୍ତ କରାଯାଇଛି । ଟ୍ରାଫିକ ବ୍ୟବସ୍ଥା କରାଯାଇ ୭ଟି ଅସ୍ଥାୟୀ ଫାଣ୍ଡି ସ୍ଥାପନ କରାଯାଇଛି। ୭ ପ୍ଲାଟୁନ ପୁଲିସ ଫୋର୍ସ ମୁତୟନ କରାଯାଇ ପୋଲିସ ବ୍ୟବସ୍ଥା କଡାକଡି କରାଯାଇଛି ।
ଫଳରେ ଲକ୍ଷ୍ମୀପୂଜା ଆରମ୍ଭ ହୋଇଯାଇଥିଲେ ମଧ୍ୟ ପୂଜା ମାହୋଲ ସମ୍ପୂର୍ଣ୍ଣ ଫିକା ପଡିଯାଇଛି । କେବଳ ମାଙ୍କ ପୂଜାର୍ଚନାରେ ଚଳିତ ବର୍ଷ ଏହି ଲକ୍ଷ୍ମୀପୂଜା ଉତ୍ସବ ସୀମିତ ରହିଯାଇଛି ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
