ଢେଙ୍କାନାଳ: ସରାଙ୍ଗ ଆଇଜିଆଇଟି (IGIT) ରେ ଛାତ୍ରୀଙ୍କୁ ଅସଦାଚରଣ ମାମଲା । ନିଲମ୍ବନ ହେଲେ ଅଭିଯୁକ୍ତ ଆଇଜିଆଇଟିର ଆକାଉଣ୍ଟ ଅଫିସର ଦେବଦତ୍ତ ପ୍ରଧାନ । ଶୁକ୍ରବାର ଇନ୍ଦିରା ଗାନ୍ଧୀ ଇନଷ୍ଟିଚ୍ୟୁଟ ଅଫ ଟେକ୍ନୋଲୋଜିର ନିର୍ଦ୍ଦେଶକ ସତ୍ୟବ୍ରତ ମହନ୍ତ ତାଙ୍କୁ କାର୍ଯ୍ୟରୁ ନିଳମ୍ବିତ କରିଥିବା ସୂଚନା ମିଳିଛି ।
ଢେଙ୍କାନାଳ ଆଇଜିଆଇଟି ଛାତ୍ରୀ ଅସଦାଚରଣ ମାମଲା, ନିଳମ୍ବିତ ହେଲେ ଅଭିଯୁକ୍ତ ଆକାଉଣ୍ଟ ଅଫିସର
ଢେଙ୍କାନାଳ ଜିଲ୍ଲା ସରାଙ୍ଗ ସ୍ଥିତ ଇନ୍ଦିରା ଗାନ୍ଧୀ ବୈଷୟିକ ଶିକ୍ଷା ପ୍ରତିଷ୍ଠାନର ରୋମିଓ ଆକାଉଣ୍ଟାଣ୍ଟଙ୍କ ଗତ 22 ତାରିଖ ଦିନ କଲେଜର ଡିପ୍ଲୋମା ପ୍ରଥମ ବର୍ଷର ଜଣେ ଛାତ୍ରୀଙ୍କ ସହିତ ଅସଦାଚରଣ କରିଥିବା ଅଭିଯୋଗ ହୋଇଥିଲା । ତେବେ ଘଟଣାଟି ପ୍ରଘଟ ହେବା ପରେ ପୋଲିସ ପକ୍ଷରୁ ପ୍ରାଥମିକ ତଦନ୍ତ କରାଯାଇଥିଲା । ମାତ୍ର ଏନେଇ ଛାତ୍ରୀ କିମ୍ବା ତାଙ୍କ ପରିବାର ପକ୍ଷରୁ କୌଣସି ଅଭିଯୋଗ ଥାନାରେ ହୋଇ ନଥିଲା । ଯାହାକୁ ନେଇ ସସପେନ୍ସ ବଢିବାରେ ଲାଗିଥିବାବେଳେ ଆକାଉଣ୍ଟାଣ୍ଟ ଦେବଦତ୍ତ ପ୍ରଧାନ ବିନା ନୋଟିସରେ କଲେଜରୁ ଫେରାର ହୋଇଯାଇଥିଲେ ।