ଢେଙ୍କାନାଳ: ଜୋର ଧରିଛି ଆଇଜିଆଇଟିର ଯୌନ କେଳେଙ୍କାରୀ ଘଟଣା । ଏଥିରେ ସମ୍ପୃକ୍ତ ଅଭିଯୁକ୍ତ କଲେଜର ଆକାଉଣ୍ଟ ଅଫିସର ଦେବଦତ୍ତ ପ୍ରଧାନଙ୍କ ଗିରଫ ଦାବି ଜୋର ଧରିଛି । ଏହି ଘଟଣାରେ ପରଜଙ୍ଗ ଥାନା ଅନ୍ତର୍ଗତ ସରାଙ୍ଗ ଫାଣ୍ଡିକୁ ଘେରାଉ କରିବା ସହ ସମ୍ମୁଖରେ ପରଜଙ୍ଗ ବ୍ଲକ ବିଜେପି ପକ୍ଷରୁ ଗଣଧାରଣା ଦିଆଯାଇଛି ।
ତେଜିଲା ଆଇଜିଆଇଟି ଯୌନ କେଳେଙ୍କାରୀ ଘଟଣା,ବିଜେପି ପକ୍ଷରୁ ଫାଣ୍ଡି ଘେରାଉ
ପୂର୍ବତନ ରାଜ୍ୟସଭା ସାଂସଦ ରୁଦ୍ରନାରାୟଣ ପାଣି, ବିଜେପି ଜିଲ୍ଲା ସଭାପତି ବିଭୂତି ଭୂଷଣ ପ୍ରଧାନ ସମେତ ଶତାଧିକ ବିଜେପି କର୍ମୀ ଏହି ଗଣଧାରଣାରେ ଉପସ୍ଥିତ ରହିଥିଲେ ।
ସୂଚନା ଅନୁସାରେ, ଗତମାସ ୨୨ ତାରିଖ ଦିନ ଇନ୍ଦିରା ଗାନ୍ଧୀ ବୈଷୟିକ ଶିକ୍ଷା ପ୍ରତିଷ୍ଠାନର ଆକାଉଣ୍ଟସ ଅଫିସର ଦେବଦତ୍ତ ପ୍ରଧାନଙ୍କ ବାସଭବନରେ ଡିପ୍ଳୋମା ଛାତ୍ରୀଙ୍କୁ ଅଟକ ରଖି ଯୌନ ନିର୍ଯାତନା ଦେଇଥିବା ଅଭିଯୋଗ ହୋଇଥିଲା । ଏହି କେଳେଙ୍କାରୀ ପଦାକୁ ଆସିବା ପରେ ଅଞ୍ଚଳରେ ହଇଚଇ ସୃଷ୍ଟି ହୋଇଥିଲା ।