ଢେଙ୍କାନାଳ: ଦେଶବ୍ୟାପୀ ଲକ ଡାଉନ ଯୋଗୁଁ ବିଭିନ୍ନ ରାଜ୍ୟରେ କାମ କରୁଥିବା ଶ୍ରମିକମାନେ ନିଜ ନିଜ ଘରକୁ ଫେରିବାକୁ ବାଧ୍ୟ ହେଉଛନ୍ତି । ଏପରିସ୍ଥଳେ ଦୈନନ୍ଦିନ ଶହ ଶହ ସଂଖ୍ୟାରେ ଏହି ଶ୍ରମିକ ମାନେ ପାଦରେ ମାଇଲ ମାଇଲ ଧରି ବାଟ ଚାଲି ଚାଲି ଯାଉଥିବା ଦେଖିବାକୁ ମିଳୁଛି । ଗୋଟିଏ ପଟରେ ଦୋକାନ ବଜ଼ାର ବନ୍ଦ । ସେପଟେ ପାଖରେ ଅର୍ଥର ଅଭାବରେ ଏହି ଶ୍ରମିକ ମାନେ ଭୋକ ଉପାସରେ ଘରକୁ ଫେରିବାକୁ ପଡୁଛି ।
ଅସହାୟଙ୍କୁ ସହାୟ ହେଲେ ଯୁବଗୋଷ୍ଠୀ
ବାଟ ଚାଲି ଚାଲି ପାଦ ଥକି ପଡୁଥିବା ବେଳେ ଏପଟେ ଭୋକରେ ପେଟର ଜ୍ବାଳା ଏମାନଙ୍କ ଅବସ୍ଥା ଜଟିଳ ହୋଇ ପଡୁଛି । ଏପରିସ୍ଥଳେ ଅସହାୟ ହୋଇ ପଡୁଥିବା ଏହି ଶ୍ରମିକ ମାନଙ୍କୁ ସହାୟ ହେଉଛନ୍ତି ଢେଙ୍କାନାଳର ବଜରଙ୍ଗ କ୍ଲବର ଯୁବ ଗୋଷ୍ଠି । ଗତ କାଲି ଅର୍ଥାତ ଗୁରୁବାର ରାତ୍ରିରେ ଆନ୍ଧ୍ରପ୍ରଦେଶରୁ 13ଜଣ ଶ୍ରମିକ ମଧ୍ୟପ୍ରଦେଶକୁ 55 ନମ୍ବର ଜାତୀୟ ରାଜପଥରେ ଚାଲି ଯାଉଥିବା ବେଳେ ଥକି ପଡି ଢେଙ୍କାନାଳ ଜିଲା ଗୋବିନ୍ଦପୁର ପୁଲିଆ ଫାଣ୍ଡି ଅନ୍ତର୍ଗତ ବଳଦିଆବନ୍ଧ ଠାରେ ରାସ୍ତା ପାର୍ଶ୍ବରେ ବସିଥିଲେ ।