ବନବିଭାଗର ଅଚାନକ ଚଢାଉ; ଚୋରା କାଠ ଜବତ, 5 ଗିରଫ

କଙ୍କଡାହାଡ ଅଞ୍ଚଳରେ ବନ ବିଭାଗର ଅଚାନକ ଚଢାଉ । ବେଆଇନ ପଥର ଖାଦାନରୁ ୨ ଟ୍ରାକ୍ଟର ଜବତ ସହ ୫ଜଣଙ୍କୁ ଗିରଫ କରିଛି ବନବିଭାଗ । ଅଧିକ ପଢନ୍ତୁ..

ଢେଙ୍କାନାଳ: ଢେଙ୍କାନାଳ ବନ ବିଭାଗ ପକ୍ଷରୁ କାମାକ୍ଷାନଗର କଙ୍କଡାହାଡ ଅଞ୍ଚଳରେ ବେଆଇନ ପଥର ଖାଦାନ ଉପରେ ଚଢାଉ କରାଯାଇଛି। ଏହି ଚଢାଉରେ ୨ଟି ଟ୍ରାକ୍ଟର ଜବତ କରାଯିବା ସହ ୫ ଜଣଙ୍କୁ ଗିରଫ କରାଯାଇଛି।

କାମାକ୍ଷାନଗର ପୂର୍ବାଞ୍ଚଳ ରେଞ୍ଚ ମୋବାଇଲ ସ୍କ୍ବାଡ ଓ ବନବିଭାଗର ଏକ ଟିମ ଚଢାଉ କରି ଗିରଫ କରିବାରେ ସକ୍ଷମ ହୋଇଛନ୍ତି। ଦୀର୍ଘଦିନ ହେବ ଏହି ଅଞ୍ଚଳରେ ଚୋରା ପଥର ଖଣି ଓ ବାଲି ଚାଲାଣ ହେବା ସହ କାଠ ମଧ୍ୟ କଟାଯାଇ ଚାଲାଣ କରାଯାଉଥିଲା।

ବିଶେଷ ସୂତ୍ରରୁ ଖବର ପାଇ ବନ ବିଭାଗ ଅଚାନକ ଚଢାଉ କରିଛି । ସେହିପରି ଜବତ ହୋଇଥିବା କାଠର ଆନୁମାନିକ ମୂଲ୍ୟ ୫୦ ହଜାର ଟଙ୍କାରୁ ଉର୍ଦ୍ଧ ହେବ ବୋଲି ସୂଚନା ମିଳିଛି।

ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ