ଢେଙ୍କାନାଳ:CMS ଏଟିଏମ୍ କ୍ୟାଶ୍ ଭ୍ୟାନ ସୁରକ୍ଷା କର୍ମୀଙ୍କ ଅସାବଧନତା ଯୋଗୁଁ ଫୁଟିଲା ଗୁଳି । ଢେଙ୍କାନାଳ ଏଲଆଇସି ମୁଖ୍ୟ କାର୍ଯ୍ୟାଳୟରେ ଆଜି ଏଭଳି ଏକ ଘଟଣା ଦେଖିବାକୁ ମିଳିଛି । ତେବେ ସୌଭାଗ୍ୟବଶତଃ କାହାରି କୌଣସି କ୍ଷତି ହୋଇନଥିବା ବେଳେ ଅଳ୍ପକେ ବର୍ତ୍ତି ଯାଇଛନ୍ତି ଜୀବନ ବିମା ନିଗମର କର୍ମଚାରୀ ।
LIC ଅଫିସରେ ଫୁଟିଲା ଗୁଳି, ଅଳ୍ପକେ ବର୍ତ୍ତିଲେ କର୍ମଚାରୀ
LIC କାର୍ଯ୍ୟାଳୟରୁ ଟଙ୍କା ନେଇ ଅନ୍ୟ ବ୍ୟାଙ୍କରେ ଡିପୋଜିଟ୍ କରିବା ପାଇଁ ଆସିଥିଲା CMS ଗାଡ଼ି । ଏହି ସମୟରେ ଅସାବଧାନତା ବଶତଃ ସିକ୍ୟୁରିଟି ଗାର୍ଡ କୁମୁଦ ଚନ୍ଦ୍ର ସାହୁଙ୍କ ଲାଇସେନ୍ସ ପ୍ରାପ୍ତ ବନ୍ଧୁକରୁ ଅଚାନକ ଗୁଳି ଫୁଟି ଯାଇଥିଲା । ଗୁଳି ଫୁଟିବା ପରେ ଅଫିସ୍ ସିଲିଂର କିଛି ଅଂଶ କ୍ଷତିଗ୍ରସ୍ତ ହୋଇଛି ।