ଢେଙ୍କାନାଳ: ଅଗ୍ନିକାଣ୍ଡରେ ଜଳିଗଲା 4 ବଖରା ଘର । ଏହାସହ ଲକ୍ଷାଧିକ ଟଙ୍କାର ସମ୍ପତ୍ତି ପୋଡିପାଉଁଶ ହୋଇଯାଇଥିବା ବେଳେ ଦୁଇଟି ବାଇକ ମଧ୍ୟ ସମ୍ପୂର୍ଣ ଭାବେ ପୋଡିଯାଇଛି । କାମାକ୍ଷାନଗର ଥାନା ଆଲୁଅଝରଣ ଗ୍ରାମରେ ଆଜି(ଗୁରୁବାର) ମଧ୍ୟାହ୍ନରେ ଅଗ୍ନିକାଣ୍ଡ ଘଟିଛି ।
ଭୟାବହ ଅଗ୍ନିକାଣ୍ଡରେ ଜଳିଗଲା 4 ବଖରା ଘର, 2 ବାଇକ ଜଳି ପାଉଁଶ
ସୂଚନା ମୁତାବକ, ଗ୍ରାମର ନୃସିଂହ ଜେନାଙ୍କ ଘରେ ପ୍ରଥମେ ନିଆଁ ଲାଗିଥିଲା । ନିଆଁର ପ୍ରଭାବ ଏତେ ଅଧିକ ଥିଲା ଯେ ଚାହୁଁଚାହୁଁ ପାଖରେ ଥିବା ଜୟନ୍ତ ଜେନାଙ୍କ ଘରେ ମଧ୍ୟ ନିଆଁ ଲାଗିଯାଇଥିଲା । ଏହି ଭୟାବହ ଅଗ୍ନିକାଣ୍ଡ ଫଳରେ ନୃସିଂହଙ୍କ 3 ବଖରା ଘର ପୋଡି ପାଉଁଶ ହୋଇଯାଇଥିବା ବେଳେ ଜୟନ୍ତଙ୍କ ଗୋଟିଏ ବଖରା ଘର ପୋଡି ଯାଇଛି ।