ଟ୍ରକକୁ ପିଟିଲା ବାଇକ୍‌, ବାପା ମୃତ ଝିଅ ଗୁରୁତର

ସଡକ ଦୁର୍ଘଟଣାରେ ବାପ ମୃତ ,ଝିଅ ଗୁରୁତର । ପୋଲିସର ତଦନ୍ତ ଜାରି । ଅଧିକ ପଢନ୍ତୁ...

ଢେଙ୍କାନାଳ:ସଡକ ଦୁର୍ଘଟଣାରେ ବାପା ମୃତ ଝିଅ ଗୁରୁତର ହୋଇଛି । ଗୁରୁତରଙ୍କୁ ମେଡିକାଲରେ ଭର୍ତ୍ତି କରାଯାଇଛି । ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ମୃତକ ହେଉଛନ୍ତି ନବକିଶୋର ପାଣି ବୋଲି ଜଣାପଡିଛି । ନବ କିଶୋରଙ୍କ ଘର ପରଜଙ୍ଗ ଥାନା ଖଇରାପଶି ଗାଁରେ ହୋଇଥିବା ସୂଚନା ମିଳିଛି।

ସୂଚନା ଅନୁସାରେ ନବ ନିଜ ଝିଅ ପୂର୍ଣ୍ଣିମାକୁ ଗାଁରୁ ଢେଙ୍କାନାଳ ସହରସ୍ଥିତ ଭଡା ଘରକୁ ଫେରୁଥିଲେ । ତେବେ ରଣପଶି ନିକଟରେ ଛିଡା ହୋଇଥିବା ଏକ ଟ୍ରକକୁ ଭାରସାମ୍ୟ ହରାଇ ତାଙ୍କ ବାଇକ ଧକ୍କା ହୋଇଥିଲା । ଫଳରେ ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଥିଲା ।

ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ