ଧାନଖଳାରେ ଚାଷୀକୁ କଚାଡି ମାରିଲା ଦନ୍ତା

ଢେଙ୍କାନାଳ ଜିଲ୍ଲା ହିନ୍ଦୋଳ ବନାଞ୍ଚଳରେ ହାତୀ ଆତଙ୍କ । ଧାନ ଖଳାକୁ ଯାଇଥିବା ଚାଷୀକୁ କଚାଡି ମାରିଲା ଦନ୍ତା ହାତୀ ।ଅଧିକ ପଢନ୍ତୁ...

ଢେଙ୍କାନାଳ: ହିନ୍ଦୋଳ ବନାଞ୍ଚଳ ଗଞ୍ଜରା ଗାଁରେ ଅଭାବନୀୟ ଘଟଣା । ଧାନ ଖଳାରେ ଚାଷୀକୁ କଚାଡି ମାରିଲା ଦନ୍ତା ହାତୀ । ମୃତକ ହେଲେ ଉକ୍ତ ଗାଁର ନିରଞ୍ଜନ ସାହୁ ।

ଆଜି ଭୋର ସମୟରେ ନିରଞ୍ଜନ ନିଜ ଘର ପଛରେ ଥିବା ଧାନ ଖଳାକୁ ଯାଇଥିଲେ । ଏହି ଏକ ଦନ୍ତା ପଶି ଆସିବାରୁ ଏକ ଦନ୍ତାହାତୀ ହାବୁଡରେ ପଡି ଯାଇଥିଲେ । ଦନ୍ତାହାତୀଟି ନିରଞ୍ଜନଙ୍କୁ ଟେକି କଚାଡି ଦେଇଥିଲା । ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଥିଲା । ସେପଟେ ଖବର ପାଇ ସ୍ଥାନୀୟ ବନକର୍ମଚାରୀ ଓ ରାସୋଳ ପୋଲିସ ପହଞ୍ଚି ମୃତଦେହ ଉଦ୍ଧାର କରିଛି ।

ଢେଙ୍କାନାଳୁ ଉର୍ମିଳା ପାତ୍ର, ଇଟିଭି ଭାରତ