ଢେଙ୍କାନାଳ: ହାତୀ ଆକ୍ରମଣରେ ଚାଷୀ ମୃତ । ଏଭଳି ଅଘଟଣ ଘଟିଛି ଢେଙ୍କାନାଳ ଜିଲ୍ଲା ରାସୋଳ ମୁଣ୍ଡିଆ ସାହିରେ । ମୃତକ ଜଣକ ହେଲେ ମୁଣ୍ଡିଆ ସାହିର ପଞ୍ଚାନନ ବେହେରା । ସୂଚନାନୁସାରେ ପଞ୍ଚାନନ ରାସୋଳ ନିକଟସ୍ଥ ବିଲବେହାଳ ଅଞ୍ଚଳର ବିଲକୁ ଯାଇଥିଲେ । ସେଠାରେ ହଠାତ ଏକ ହାତୀଲକୁ ଦେଖି ଭୟଭୀତ ହୋଇଯାଇଥିଲେ ପଞ୍ଚାନନ । ଏହାପରେ ଜୀବନ ବଞ୍ଚାଇବା ପାଇଁ ଚେଷ୍ଚା କରିଥିଲେ ।
ଚାଷୀଙ୍କୁ ମାରିଦେଲା ହାତୀ, ଉଜାଡ଼ିଦେଲା ଧାନ ଫସଲ
ତେବେ ହାତୀପଲଙ୍କ ଭିତରୁ ଏକ ଦନ୍ତାହାତୀ ଆସି ପଞ୍ଚାନନଙ୍କୁ କଚାଡ଼ି ମାରିଥିଲା । ଏଥିରେ ଗୁରୁତର ଭାବେ ଆହତ ହୋଇଥିଲେ ପଞ୍ଚାନନ । ଖବରପାଇ ଗ୍ରାମବାସୀ ଘଟଣାସ୍ଥଳରେ ପହଞ୍ଚିଥିଲେ । ସେଠାରୁ ପଞ୍ଚାନନଙ୍କୁ ଗୁରୁତ ଅବସ୍ଥାରେ ଉଦ୍ଧାର କରି ଡାକ୍ତରଙ୍କ ପାଖକୁ ନେଇଥିଲେ । କିନ୍ତୁ ସେଠାରେ ଡାକ୍ତର ପଞ୍ଚାନନଙ୍କୁ ମୃତ ଘୋଷଣା କରିଥିଲେ ।