ଢେଙ୍କାନାଳ: ସାମାନ୍ୟ କଳହକୁ ନେଇ ରାତିରେ ଘରେ ନିଆଁ ଲଗାଇଦେଲେ ଦୁର୍ବୃତ୍ତ । ଫଳରେ ରାତିରେ ଶୋଇଥିବାବେଳେ ଜଳିଗଲା ଘର । ସୌଭାଗ୍ୟବଶତଃ ଅଳ୍ପକେ ବର୍ତ୍ତି ଯାଇଛନ୍ତି ପରିବାର ଲୋକେ । ଢେଙ୍କାନାଳ ଜିଲ୍ଲା ମୋଟଙ୍ଗା ଥାନା ପୋଲିସର ବେଫିକର ମନୋବୃତ୍ତିରୁ ଏପରି ଅଭାବନୀୟ ଘଟଣା ଘଟିଥିବା ଅଭିଯୋଗ ।
ସାମାନ୍ୟ କଳହରୁ ଘରେ ନିଆଁ ଲଗାଇଦେଲେ ଦୁର୍ବତ୍ତ
ସୂଚନା ଅନୁଯାୟୀ ଢେଙ୍କାନାଳ ମୋଟଙ୍ଗା ଥାନା ଅନ୍ତର୍ଗତ କୁରୁଣ୍ଟି ଗ୍ରାମରେ ସାମାନ୍ୟ କାରଣରୁ ସୁଧାଂଶୁ ସାମଲ ଓ କ୍ଷୀରୋଦ ମହାନ୍ତିଙ୍କ ମଧ୍ୟରେ ଗଣ୍ଡଗୋଳ ହୋଇଥିଲେ । ମାମଲା ଯାଇ ଥାନାରେ ପହଞ୍ଚିଥିଲା । ମାତ୍ର ମୋଟଙ୍ଗା ପୋଲିସର ଖାମ ଖିଆଲି ମନୋଭାବରୁ ଉଭୟଙ୍କ ମଧ୍ୟରେ ତିକ୍ତତା ବଢିଥିଲା । ଏପରିକି ଗତ ବିଳମ୍ବିତ ରାତିରେ ସୁଧାଂଶୁ ସାମଲଙ୍କ ଘରେ ସମସ୍ତେ ଶୋଇ ଥିବାବେଳେ କ୍ଷୀରୋଦ ମହାନ୍ତି ଏବଂ ତାଙ୍କ ସାଥୀମାନେ ମିଶି ସୁଧାଂଶୁଙ୍କ ଘରେ ନିଆଁ ଲଗାଇ ଦେଇଥିଲେ । ତେବେ ନିଆଁରେ ସୁଧାଂଶୁଙ୍କର ୪ ବଖରା ଘର ସମ୍ପୂର୍ଣ୍ଣ ପୋଡି ପାଉଁଶ ହୋଇଯାଇଛି ।