ଢେଙ୍କାନାଳ:ନିଜକୁ ତହସିଲଦାର ବୋଲି ପରିଚୟ ଦେଇ ସାଥି ସାଙ୍ଗଙ୍କ ସହ ମିଶି କରୁଥିଲେ ଚାନ୍ଦା ଆଦାୟ । NH-୫୫ରେ ଦେଇ ଯା ଆସ କରୁଥିବା ବିଭିନ୍ନ ପଥର, ବାଲି ଓ ମେଟାଲ ବୋଝେଇ ଟ୍ରକ ମାନଙ୍କୁ କରୁଥିଲେ ଟାର୍ଗେଟ । କିନ୍ତୁ ଏହି ନକଲି ତହସିଲଦାର ଓ ତାଙ୍କର ଅନ୍ୟ ସାଥି ମାନେ ଅସଲି ପୁଲିସ ହାବୁଡ଼ରେ ପଡି ଗିରଫ ହୋଇଛନ୍ତି । ଏଭଳି ଘଟଣା ଦେଖିବାକୁ ମିଳିଛି ଢେଙ୍କାନାଳ ଟାଉନ ଅଞ୍ଚଳରେ ।
ମେଟାଲ ବୋଝେଇ ଟ୍ରକରୁ ଚାନ୍ଦା ଆଦାୟ ଘଟଣା: ନକଲି ତହସିଲଦାର ସମେତ ଜଣେ ସାଥି ଗିରଫ
ଏନେଇ ଢେଙ୍କାନାଳ ଟାଉନ ଥାନା ପୁଲିସ ଏହି ଘଟଣାରେ ଏକ ବୋଲେରୋକୁ ଜବତ କରିବା ସହ 2 ଜଣଙ୍କୁ ଗିରଫ କରିଛି । ତେବେ ଅନ୍ୟଜଣେ ଫେରାର ହୋଇଯାଇଥିବା ନେଇ ସୂଚନା। ଗିରଫ ଦୁଇଜଣ ସଦର ଥାନା ଅନ୍ତର୍ଗତ ସିଆରିଆ ଗ୍ରାମର ଅଶ୍ବିନୀ ଧଳ ଓ କାଳୁ ଦୋରା ବୋଲି ଜଣାପଡିଛି । ନିଜକୁ ତହସିଲଦାର ଓ ତହସିଲ ଅଫିସ କର୍ମଚାରୀ ଭାବେ ନକଲି ପରିଚୟ ଦେଇ ଏମାନେ ୫୫ ନମ୍ବର ଜାତୀୟ ରାଜପଥର ଢେଙ୍କାନାଳ ସହରର ଉପଖଣ୍ଡ ଆନନ୍ଦ ନଗର ନିକଟରେ ବିଭିନ୍ନ ଟ୍ରକରୁ ଚାନ୍ଦା ଆଦାୟ କରୁଥିଲେ ।