ହାତୀ ଘଉଡାଇବାବେଳେ ହାତରେ ଫୁଟିଗଲା ବାଣ

ଢେଙ୍କାନାଳ ସଦର ବନାଞ୍ଚଳର ବୋରାପଦା ନିକଟରେ ଅଘଟଣ । ହାତୀକୁ ମାରୁ ମାରୁ ହାତରେ ଫୁଟିଗଲା ବାଣ । ଜଣେ ଏଲିଫ୍ୟାଣ୍ଟ ସ୍କ୍ୱାର୍ଡ ଗୁରୁତର । ଅଧିକ ପଢନ୍ତୁ

ଢେଙ୍କାନାଳ:ହାତୀ ଘଉଡାଇବା ପାଇଁ ବାଣ ମାରୁ ମାରୁ ହାତରେ ଫୁଟିଗଲା ବାଣ । ବିସ୍ଫୋରଣରେ ଏଲିଫ୍ୟାଣ୍ଟ ସ୍କ୍ୱାର୍ଡ ଗୁରୁତର । ଏଭଳି ଘଟଣା ଘଟିଛି ଢେଙ୍କାନାଳ ବନଖଣ୍ଡ ଅନ୍ତର୍ଗତ ସଦର ବନାଞ୍ଚଳର ବୋରାପଦା ନିକଟରେ । ସୋମବାର ରାତି ପ୍ରାୟ ୧୦ଟା ସମୟରେ ଏପରି ଅଘଟଣ ଘଟିଥିବା ଜଣାପଡିଛି । ଗୁରୁତର ଏଲିଫ୍ୟାଣ୍ଟ ସ୍କ୍ୱାର୍ଡ ଜଣଙ୍କ ଢେଙ୍କାନାଳ ସହର ଚନ୍ଦନ ବଜାରର ସନ୍ତୋଷ ଗୁରୁ ।

ବାଣ ବିସ୍ଫୋରଣରେ ତାଙ୍କର ଦୁଇ ହାତ ଓ ଗୋଡ଼ ପୋଡି ଯାଇଥିବାବେଳେ, ଗୁରୁତର ଅବସ୍ଥାରେ ଚିକିତ୍ସା ପାଇଁ ତାଙ୍କୁ ଜିଲ୍ଲା ମୁଖ୍ୟ ଡାକ୍ତରଖାନାରେ ଭର୍ତ୍ତି କରାଯାଇଥିବା ସୂଚନା ମିଳିଛି । ସୋମବାର ରାତିରେ ଏକ ଦନ୍ତାହାତୀ ବୋରାପଦା ଗ୍ରାମ ଆଡକୁ ଆସୁଥିବା ବେଳେ ସନ୍ତୋଷ ଅନ୍ୟ ସାଥି କର୍ମଚାରୀ ମାନଙ୍କ ସହ ପହଞ୍ଚି ହାତୀ ଘଉଡାଇବା ପାଇଁ ବାଣ ମାରୁଥିଲେ । କିନ୍ତୁ ଦୁର୍ଭାଗ୍ୟ ବଶତଃ ବାଣଟି ତାଙ୍କ ହାତରୁ ତଳେ ଖସି ପଡିବାରୁ ବିସ୍ପୋରଣ ଘଟିଥିଲା ।