ଢେଙ୍କାନାଳ: ବଢିବାରେ ଲାଗିଛି ହାତୀଙ୍କ ଉତ୍ପାତ । ଢେଙ୍କାନାଳ କାମାକ୍ଷାନଗରର ସୋଗର ଗ୍ରାମ ନିକଟସ୍ଥ ସାଳୁଆ ଛକ ନିକଟରେ ହାତୀ ଆକ୍ରମଣରେ ଜଣେ ବୃଦ୍ଧଙ୍କ ମୃତ୍ୟୁ ଘଟିଛି । ମଙ୍ଗଳବାର ଭୋର ୫ଟା ସମୟରେ ଘଟଣା ଘଟିବାବେଳେ ମୃତ ବୃଦ୍ଧ ଜଣକ ହେଲେ ସ୍ଥାନୀୟ ଗୋଦରିବିଲି ଗ୍ରାମର ହୃଦାନନ୍ଦ ମଲ୍ଲିକ।
ସେ ଭୋର ସମୟରେ ଶୌଚ ହେବାକୁ ଯାଇଥିବାବେଳେ ଦନ୍ତା ହାବୁଡରେ ପଡିଥିଲେ। ହୃଦାନନ୍ଦଙ୍କୁ ଦନ୍ତା କଚି ଦେବା ଫଳରେ ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ହୋଇଥିଲା । ଯାହାକୁ ନେଇ କିଛି ସମୟ ପାଇଁ ଅସନ୍ତୋଷ ପ୍ରକାଶ ପାଇଥିଲା।
ଶୌଚ ହେବାକୁ ଯାଇ ଦନ୍ତା ହାବୁଡରେ
ଦୀର୍ଘ ଦିନ ହେଲା ଏହି ଅଞ୍ଚଳରେ ହାତୀ ଉପଦ୍ରବ ବଢୁଥିବାବେଳେ ବନ ବିଭାଗ ତରଫରୁ ହାତୀକୁ ଘଉଡାଇବା ପାଇଁ କୈାଣସି ବ୍ୟବସ୍ଥା କରାଯାଉନାହିଁ, କି ପେଟ୍ରୋଲିଙ୍ଗ ମଧ୍ୟ ହେଉନାହିଁ ବୋଲି ସ୍ଥାନୀୟ ଲୋକେ ଅଭିଯୋଗ କରିଛନ୍ତି।