ପରଜଙ୍ଗରେ ହାତୀପଲଙ୍କ ଉପଦ୍ରବ, ଆତଙ୍କିତ ଅଞ୍ଚଳବାସୀ

ପରଜଙ୍ଗ କୁମୁସି ପଞ୍ଚାୟତ ଅଅଁଳାକଟା ଗ୍ରାମ ନିକଟରେ ହାତୀପଲଙ୍କ ଉପଦ୍ରବ । ଜଙ୍ଗଲ ଛାଡି ଗାଁ ମୁହାଁ ଏହି ହାତୀପଲ ଧାନ ଖାଇବା ସହ ଏକର ଏକର ଧାନ ଫସଲ ଦଳି ଚକଟି ନଷ୍ଟ କରୁଛନ୍ତି ।

ଢେଙ୍କାନାଳ: ପରଜଙ୍ଗ ବ୍ଲକରେ ହାତୀପଲଙ୍କ ଉପଦ୍ରବ । ଏନେଇ 10ଟି ପଞ୍ଚାୟତର ବାସିନ୍ଦା ଏବେ ଚିନ୍ତାରେ । ବିଶେଷ କରି ବର୍ତ୍ତମାନ ଧାନ ଅମଳ ସମୟ ଥିବାରୁ ପାଚିଲା ଧାନ ଖାଇବା ପାଇଁ ହାତୀପଲ ଜଙ୍ଗଲ ଛାଡି ଗାଁ ମୁହାଁ ହୋଇଥିବା ଅନୁମାନ କରାଯାଉଛି ।

ସୂଚନାନୁସାରେ, ରବିବାର ପରଜଙ୍ଗ କୁମୁସି ପଞ୍ଚାୟତ ଅଅଁଳାକଟା ଗ୍ରାମ ପାଖରେ ହାତୀପଲ ଥିବା ଦେଖିବାକୁ ମିଳିଛି । ଏହି ହାତୀପଲରେ 25ରୁ 20 ହାତୀ ଅଛନ୍ତି । ଯଦ୍ବାରା କୁମୁସି, ପାଟରପଦା, ଲୋଧଣି ଓ ଡିହଡୋଳ ଆଦି ପଞ୍ଚାୟତର ବାସିନ୍ଦାମାନେ ଏହୀ ବଣୁଆ ହାତୀପଲଙ୍କ ଭୟରେ ଆତଙ୍କିତ ଅବସ୍ଥାରେ ରହିଛନ୍ତି । ତେବେ ଏହି ହାତୀପଲ ଧାନ ଖାଇବା ସହ ଏକର ଏକର ଧାନ ଫସଲ ଦଳି ଚକଟି ନଷ୍ଟ କରୁଛନ୍ତି ।

ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ