ଅନୁଗୋଳ: ଢେଙ୍କାନାଳ ବନଖଣ୍ଡ ମହାବିରୋଡ଼ ରେଞ୍ଜ ଡିହଡୋଳ ସେକ୍ସନ ଅନ୍ତର୍ଗତ ପରଜଙ୍ଗ ଗାଁରେ ହାତୀ ଆତଙ୍କ । ଗତକାଲି ବିଳମ୍ବିତ ରାତି ପ୍ରାୟ ୨ଟା ବେଳେ ଏକ ଦନ୍ତାହାତୀ ଗାଁର ଗୁଣ୍ଡିଚା ମଲ୍ଲିକ , କପିଳ ମଲ୍ଲିକ ଓ ବାମଦେବ ମଲ୍ଲିକଙ୍କ ଘର ଗୁଡିକ ଭାଙ୍ଗି ଦେଇଥିବା ମହାବିରୋଡ଼ ରେଞ୍ଜରଙ୍କ ନିକଟରେ ଅଭିଯୋଗ ହୋଇଥିବା ଜଣାପଡିଛି ।
ଭିଡିଓ ସୌଜନ୍ୟ- ସମ୍ବାଦଦାତା, ଅନୁଗୋଳ
ସେହି ଅଞ୍ଚଳରେ ହାତୀ ଆତଙ୍କ ସବୁବେଳେ ଲାଗି ରହିଥିବା ଜଣାପଡ଼ିଛି । ପ୍ରାୟ ଶତାଧିକ ହାତୀଙ୍କ ଆତଙ୍କରେ ଅତିଷ୍ଠ ହୋଇ ଗଲେଣି ଅଞ୍ଚଳବାସୀ । ତୁରନ୍ତ ଏଥିପ୍ରତି ବନ ବିଭାଗ ଦୃଷ୍ଟି ଦେବା ସହ କ୍ଷୟକ୍ଷତି ହୋଇଥିବା ଲୋକଙ୍କୁ ତୁରନ୍ତ କ୍ଷତିପୂରଣ ଯୋଗାଇ ଦେବାକୁ ସ୍ଥାନୀୟ ବାସିନ୍ଦା ଦାବି କରିଛନ୍ତି ।