ଢେଙ୍କାନାଳ: ନିକଟରେ ସଦର ବନାଞ୍ଚଳର ପୋଡପଡା ଗ୍ରାମ ନିକଟରେ ଟ୍ରକ ଧକ୍କାରେ ଗୋଟିଏ ହାତୀ ମରିଥିବାବେଳେ ଅନ୍ୟ ଏକ ଗୁରୁତର ଦନ୍ତା ହାତୀକୁ ଏଯାଏଁ ଠାବ କରିପାରିନି ବନବିଭାଗ । ଏପରିସ୍ଥଳେ ଗୁରୁବାର ପୁଣି ପୋଡପଡା ଗ୍ରାମ ନିକଟସ୍ଥ ଟ୍ରେନ ଲାଇନ ପାଖରୁ ଏକ ହାତୀ ଛୁଆର ମୃତଦେହ ଠାବ କରାଯାଇଛି ।
ଟ୍ରେନ ଲାଇନ ନିକଟରୁ ହାତୀ ଛୁଆର ମୃତ ଦେହ ଠାବ
ପୋଡପଡା ଗ୍ରାମ ନିକଟରେ ଯାଇଥିବା ପୂର୍ବତଟ ରେଳ ଲାଇନଠାରୁ ପ୍ରାୟ ଶହେ ମିଟର ଦୂରରେ ପଡିଛି ଏହି ହାତୀ ଛୁଆର ମୃତଦେହ। ମୃତ୍ୟୁର ସଠିକ କାରଣ ଜଣାନପଡିଥିଲେ ମଧ୍ୟ ଏହା ଟ୍ରେନ ଧକ୍କାରେ ମୃତ୍ୟୁ ଘଟିଥିବା ସନ୍ଦେହ କରାଯାଉଛି ।