ଢେଙ୍କାନାଳ: ଜିଲ୍ଲାରେ ହାତୀ ଉପଦ୍ରବ ଥମୁନାହିଁ । ଏପରିକି ଜଣକ ପରେ ଜଣେ ଚାଷୀଙ୍କୁ ହାତୀ ଆକ୍ରମଣ କରି ମାରିଚାଲିଛି । ଆଜି ଭୋର ସମୟରେ ଢେଙ୍କାନାଳ ସଦର ଥାନା ଗୋବିନ୍ଦପୁର ଗ୍ରାମରେ ଜଣେ ଚାଷୀଙ୍କୁ ହାତୀ ଆକ୍ରମଣ କରିବାରୁ ଗୁରୁତର ହୋଇଛନ୍ତି । ଗୁରୁତର ଜଣଙ୍କ ଗୋବିନ୍ଦପୁର ଗ୍ରାମର ପ୍ରଶାନ୍ତ ରାଉତ ।
ପୁଣି ଚାଷୀଙ୍କୁ କଚାଡି ଦେଲା ଦନ୍ତା ହାତୀ, ମେଡିକାଲରେ ଭର୍ତ୍ତି
ପ୍ରଶାନ୍ତ ଗୋବିନ୍ଦୁର ସ୍କୁଲ ପଛ ପାଖ ବିଲରେ ଗଦାଇଥିବା ତାଙ୍କ ଧାନ ଜଗିଥିଲେ । ଏହି ଅଞ୍ଚଳରେ ଉପଦ୍ରବ ଜାରି ରଖିଥିବା ଏକ ଦନ୍ତା ହାତୀ ତାଙ୍କୁ ଟାଣିନେଇ କଚାଡି ଦେଇଥିଲା । ଫଳରେ ତାଙ୍କ ଅବସ୍ଥା ଗୁରୁତର ହେବାରୁ ତାଙ୍କୁ ପ୍ରଥମେ ଢେଙ୍କାନାଳ ମୁଖ୍ୟ ଡାକ୍ତର ଖାନାରେ ଭର୍ତ୍ତି କରାଯାଇଥିଲା । ମାତ୍ର ଅବସ୍ଥା ସଙ୍କଟାପନ୍ନ ହେବାରୁ ତାଙ୍କୁ କଟକ ଏସସିବିକୁ ସ୍ଥାନାନ୍ତରିତ କରାଯାଇଛି ।