ଢେଙ୍କାନାଳ : ଭୁବନ ବ୍ଲକ କୁନିଦା ଗ୍ରାମରେ ଦିନକୁ ଦିନ ବଢିବାରେ ଲାଗିଛି ଦେଶୀ ଓ ବିଦେଶୀ ମଦର କାରବାର । ତେବେ ଗ୍ରାମକୁ ମଦମୁକ୍ତ କରିବା ପାଇଁ ମହିଳା ସଂଗଠନମାନେ ଆଗେଇ ଆସିଛନ୍ତି ।
ଗାଁରେ ତେଜୁଛି ମହିଳାଙ୍କ ମଦ ବିରୋଧୀ ଆନ୍ଦୋଳନ
ପାନ ଦୋକାନଠାରୁ ଆରମ୍ଭ କରି ଗ୍ରୋସରୀ ଦୋକାନ, ଚା ଦୋକାନ ସବୁଠି ବିକ୍ରି ହେଉଛି ଦେଶୀ, ବିଦେଶୀ ମଦ । ଏହି ମଦ ଦ୍ବାରା ଏକ ବର୍ଷ ମଧ୍ୟରେ ପାଞ୍ଚ ଜଣରୁ ଅଧିକ ଜୀବନ ଗଲାଣି । ତଥାପି କେହି ଚେତୁ ନାହାନ୍ତି । ତେଣୁ ଗାଁରୁ ଏହି ମଦ ବ୍ୟବସାୟକୁ ସମ୍ପୂର୍ଣ୍ଣ ବନ୍ଦ କରିବା ପାଇଁ ଆଗେଇ ଆସିଛନ୍ତି କିଛି ମହିଳା ଓ ଯୁବକ ସଙ୍ଗଠନ ।