ଢେଙ୍କାନାଳ: ଜିଲ୍ଲାରେ ଠିକାରେ ନେଇଥିବା ବିଦ୍ୟୁତ ସେବାକୁ ଏନଜେନ ଠାରୁ ସେସୁ ପ୍ରତ୍ୟାହାର କରି ଏବେ ଟାଟାକୁ ହସ୍ତାନ୍ତର କରିଛି । ଫଳରେ ଏନଜେନରେ ନିୟୋଜିତ କର୍ମଚାରୀଙ୍କୁ କମ୍ପାନୀ ଛଟେଇ କରିଦେଇଥିବା ଜଣାପଡିଛି । ଯାହାକୁ ନେଇ ଏନଜେନ ଛଟେଇ କର୍ମଚାରୀମାନେ ପୁନଃନିଯୁକ୍ତି ଦାବି କରି ଆନ୍ଦୋଳନ ପାଇଁ ଅଣ୍ଟା ଭିଡୁଛନ୍ତି । ଭୁବନ ବ୍ଲକରେ ଏନଜେନ କର୍ମଚାରୀମାନେ ଛଟେଇ ପ୍ରତିବାଦରେ ମଙ୍ଗଳବାର ଏକତ୍ରିତ ହୋଇଥିଲେ ।
ଢେଙ୍କାନାଳରେ ଛଟେଇ ଏନଜେନ କର୍ମଚାରୀମାନଙ୍କ ପୁନଃନିଯୁକ୍ତି ଦାବି
ସୂଚନାମୁତାବକ, ଢେଙ୍କାନାଳ ଜିଲ୍ଲାର ଏନଜେନର ୧୦୦୦ରୁ ଉର୍ଦ୍ଧ୍ବ କର୍ମଚାରୀ ସେମାନଙ୍କର ଚାକିରୀ ହରାଇଥିବା ବେଳେ ଭୁବନ ଅଧିନସ୍ଥ ୧୫୦ ଜଣ କର୍ମଚାରୀ ସାମିଲ ଅଛନ୍ତି । କୋରୋନା ସଙ୍କଟ ସମୟରେ କର୍ମଚାରୀମାନଙ୍କୁ ଛଟେଇ କରାଯିବା ସେମାନଙ୍କ ପାଇଁ ଏବେ ଚିନ୍ତା ବଢାଇ ଦେଇଛି । ଫଳରେ ପୂନର୍ବାର ସେମାନଙ୍କୁ ନିଯୁକ୍ତି ଦେବାକୁ ଦାବି କରିଛନ୍ତି ।