ନାଚ ଦେଖିବାକୁ ଯାଇ ପ୍ରାଣ ହରାଇଲେ ପ୍ରହଲ୍ଲାଦ

ଢେଙ୍କାନାଳ ଶଙ୍କରପୁର ରାସ୍ତାର ଭଙ୍ଗାମାଳ ଠାରେ ଜଣେ ଯୁବକର ମୃତଦେହ ଉଦ୍ଧାର ହୋଇଛି । ଘଟଣାସ୍ଥଳରେ ବାଇକ ପଡିଥିବାରୁ ଏହା ଦୁର୍ଘଟଣା ଜନିତ ମୃତ୍ୟୁ ବୋଲି ସନ୍ଦେହ କରାଯାଉଛି । ପଢନ୍ତୁ ସମ୍ପୂର୍ଣ୍ଣ ରିପୋର୍ଟ...

ଢେଙ୍କାନାଳ: ଶଙ୍କରପୁର ରାସ୍ତାର ଭଙ୍ଗାମାଳ ନିକଟରୁ ଏକ ମୃତଦେହ ଉଦ୍ଧାର ହୋଇଛି । ମୃତ ଯୁବକ ଜଣକ ହେଲେ ଗୋବିନ୍ଦପୁର ଫାଣ୍ଡି ଅନ୍ତର୍ଗତ ତାଳବରକୋଟ ଗାଁର ପ୍ରହଲ୍ଲାଦ ବେହେରା ।

ମୃତ ପ୍ରହଲ୍ଲାଦ ଶୁକ୍ରବାର ରାତିରେ ତାଙ୍କ ଶ୍ବଶୁର ଘର ଅଚଳକୋଟ ଗ୍ରାମକୁ ନାଚ ଦେଖିବାକୁ ଯାଇଥିଲେ । ମାତ୍ର ଶନିବାର ତାଙ୍କ ମୃତଦେହ ପଡିଥିବା ଦେଖିବାକୁ ମିଳିଛି । ଖବର ପାଇ ପୋଲିସ ପହଞ୍ଚି ମୃତଦେହ ଉଦ୍ଧାର କରି ତଦନ୍ତ ପାଇଁ ପଠାଇଛି । ଅନ୍ୟପଟେ ମୃତ୍ୟୁର କାରଣ ଜଣାପଡିନଥିବାବେଳେ ମୃତଦେହ ନିକଟରେ ବାଇକ ପଡିଯିବାରୁ ଏହା ଦୁର୍ଘଟଣା ଜନିତ ମୃତ୍ୟୁ ବୋଲି ସନ୍ଦେହ କରାଯାଉଛି ।

ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ