ଢେଙ୍କାନାଳ: ଜିଲ୍ଲାର ଦୈନିକ କୋଭିଡ ସଂକ୍ରମଣ ହାର ୫ ପ୍ରତିଶତ ତଳେ ରହିଛି । ଏହାକୁ ନେଇ ରାଜ୍ୟରେ ଢେଙ୍କାନାଳ ଜିଲ୍ଲାକୁ କଟାଗୋରୀ-Aରେ ସାମିଲ କରି ୧ତାରିଖ ଠାରୁ କଟକଣା କୋହଳ କରାଯାଇଛି । ସରକାରଙ୍କ ଗାଇଡ ଲାଇନ ଅନୁସାରେ ସକାଳ ୬ଟାରୁ ସନ୍ଧ୍ୟା ୬ଟା ପର୍ଯ୍ୟନ୍ତ ୧୨ଘଣ୍ଟିଆ ସମସ୍ତ ଦୋକାନ ବଜାର ଖୋଲି ଥିବା ଦେଖିବାକୁ ମିଳିଛି ।
କଟକଣା କୋହଳ; ମୃତ୍ୟୁ ସଂଖ୍ୟା ବୃଦ୍ଧି ନେଇ ଚିନ୍ତାରେ ବୁଦ୍ଧିଜୀବୀ
ଦୋକାନ ବଜାର ଖୋଲିବା ପରେ ଦୋକାନୀଙ୍କ ମଧ୍ୟରେ ଉତ୍ସାହ ଦେଖିବାକୁ ମିଳିଛି । ଲକଡାଉନରେ ଆର୍ଥିକ ମେରୁଦଣ୍ଡ ଭାଙ୍ଗି ପଡିଥିବା ଦୋକାନୀ ମାନଙ୍କ ମହଲରେ ଏକ ପ୍ରକାର ନୂତନ ଆଶା ସଞ୍ଚାର କରିଛି । ତେବେ ଦୈନିକ ସଂକ୍ରମଣ କମିଥିବାରୁ ସରକାର କଟକଣା କୋହଳ କରିଛନ୍ତି । ହେଲେ କୋଭିଡ ମୃତ୍ୟୁ ସଂଖ୍ୟା ଜିଲ୍ଲାରେ ଅହେତୁକ ବୃଦ୍ଧି ପାଉଛି ।