ଢେଙ୍କାନାଳ: ମହାମାରୀ କୋରୋନାକୁ ନେଇ ସାରା ଦେଶରେ ଲୋକଙ୍କ ଭୟର ବାତାବରଣ ଖେଳିଯାଇଛି । ରାଜ୍ୟସରକାର ଏହାର ମୁକାବିଲା ପାଇଁ ତତ୍ପରତା ଦେଖାଇଛନ୍ତି । କୋରୋନା ଭାଇରସକୁ ମୁକାବିଲା ପାଇଁ ଢେଙ୍କାନାଳରେ ୧୪୪ଧାରା ଜାରି ରହିଥିଲାବେଳେ ସ୍କୁଲ, କଲେଜ, ସପିଂମଲ ବନ୍ଦ ରହିଛି।
କୋରୋନା ମୁକାବିଲା ପାଇଁ ଢେଙ୍କାନାଳରେ ୧୪୪ ଧାରା ବଳବତ୍ତର
କୋରୋନା ମୁକାବିଲା ପାଇଁ ଢେଙ୍କାନାଳ ଜିଲା ପ୍ରଶାସନ ଠାରୁ ଆରମ୍ଭ କରି ସହରବାସୀଙ୍କ ପର୍ଯ୍ୟନ୍ତ ସମସ୍ତେ ବେଶ ତତ୍ପର ହୋଇପଡିଛନ୍ତି । ଜିଲ୍ଲାରେ ପ୍ରଶାସନ ପକ୍ଷରୁ ଜାରି କରିଥିବା ୧୪୪ ଧାରାକୁ ମାର୍ଚ୍ଚ ୩୧ ପର୍ଯ୍ୟନ୍ତ ବଳବତ୍ତର ରଖିଛନ୍ତି । ସ୍କୁଲ କଲେଜ ଠାରୁ ଆରମ୍ଭ କରି କୋଚିଂ ସେଣ୍ଟର, ସପିଙ୍ଗ ମଲ ସିନେମା ହଲ ଯାଏଁ ସବୁକୁ ସଂପୂର୍ଣ୍ଣ ବନ୍ଦ କରିଦିଆଯାଇଛି ।