ଢେଙ୍କାନାଳ: ଜିଲ୍ଲାରେ ଶୁକ୍ରବାର ଦିନ ସର୍ବାଧିକ ୯୨ଜଣ କୋରୋନା ପଜିଟିଭ ଚିହ୍ନଟ। ସେଥିମଧ୍ୟରୁ କେବଳ ଗଦିଁଆ ଅଞ୍ଚଳରେ ୮୬ ରହିଥିବାବେଳେ ପିଙ୍ଗୁଆ ଅଞ୍ଚଳର ବ୍ରାହ୍ମଣ ସାହିରୁ ୭୬ଜଣ ସଂକ୍ରମିତ ଚିହ୍ନଟ ହୋଇଛନ୍ତି । ଯାହା ଗଁଦିଅ ଅଞ୍ଚଳବାସୀ ଚିନ୍ତା ବଢିଯାଇଛି।
ଗଁଦିଅ ବ୍ଲକର ୫ଟି ଗ୍ରାମପଞ୍ଚାୟତକୁ କଣ୍ଟେନମେଣ୍ଟ ଜୋନ ଘୋଷଣା କଲା ପ୍ରଶାସନ
କୋରୋନା ସଂକ୍ରମଣକୁ ରୋକିବା ପାଇଁ ଜିଲ୍ଲା ପ୍ରଶାସନ ପକ୍ଷରୁ ଗଦିଁଆ ବ୍ଳକର ପିଙ୍ଗୁଆ ସମେତ ୫ଟି ଗାଁକୁ ଅଗଷ୍ଟ ୬ ତାରିଖଯାଏ କଣ୍ଟେନମେଣ୍ଟ ଜୋନ ଘୋଷଣା କରାଯାଇଛି। ପିଙ୍ଗୁଆ ବ୍ରାହ୍ମଣ ସାହିର ପ୍ରତ୍ୟକ ପରିବାରର ଲୋକ ସଂକ୍ରମିତ ହୋଇଥିବା ଦେଖାଯାଇଛି। ତେବେ ପିଙ୍ଗୁଆ ସମେତ ଖଣ୍ଡବନ୍ଧ ପଞ୍ଚାୟତ, ଦଶମାଣ ପାଟଣା, ନିହଲପ୍ରସାଦ ଓ ଷଡଙ୍ଗୀ ଆଦି ଗ୍ରାମରୁ ଶୁକ୍ରବାର ଦିନ ୮୬ଜଣଙ୍କ ଠାରେ କୋରୋନା ପଜିଟିଭ ଚିହ୍ନଟ ହୋଇଛନ୍ତି ।ଫଳରେ ପ୍ରଶାସନ ପକ୍ଷରୁ ଉକ୍ତ ଅଞ୍ଚଳ ଗୁଡିକୁ କଣ୍ଟେନମେଣ୍ଟ ଜୋନ ଘୋଷଣା କରାଯାଇ ଏହି ୫ଟି ଗ୍ରାମକୁ ସିଲ କରାଯାଇଛି।