ଢେଙ୍କାନାଳ :ଟ୍ରକ ଡ୍ରାଇଭରକୁ ଜଙ୍ଗଲରେ ବାନ୍ଧି ଲୁଟିଲେ କୋଇଲା ବୋଝେଇ ଟ୍ରକ । ସ୍ଥାନୀୟ ଲୋକଙ୍କ ସହାୟତାରେ ଡ୍ରାଇଭର ଉଦ୍ଧାର କରି କାମାକ୍ଷାନଗର ମେଡିକାଲରେ ଭର୍ତ୍ତି । ସୁଚନା ମୁତାବକ ଗତକାଲି ବିଳମ୍ବିତ ରାତିରେ ଗୋଟିଏ ବୋଲେରୋ ଗାଡ଼ି ଓ ୪ଟା ବାଇକରେ ୬ ଜଣ ଦୁର୍ବୃତ୍ତ ଆସି କାମାକ୍ଷାନଗର ଥାନା ବଡମୁକ୍ତାପଶି ଗ୍ରାମ ନିକଟରେ ଟ୍ରକ ଅଟକାଇବା ସହ ଡ୍ରାଇଭରକୁ ଜଙ୍ଗଲରେ ହାତ ଗୋଡ ବାନ୍ଧି ପକାଇ ଟ୍ରକ ଲୁଟିନେଇଛନ୍ତି ଦୁର୍ବୃତ୍ତ ।
ଟ୍ରକଟି ତାଳଚେର ହିଙ୍ଗୁଳା ମାଇନ୍ସରୁ କୋଇଲା ବୋଝେଇ କରି ଡୁବୁରୀ ଯାଜପୁର ଯାଉଥିବା ବେଳେ ଲୁଟି ନେଇଥିଲେ । ଚାଳକ ହେଲେ ଦେବଗଡ଼ ଅଞ୍ଚଳର ବେଣୁଧର ଭୋଇ । ଆଜି ଜଙ୍ଗଲକୁ ଜାଳେଣି କାଠ ସଂଗ୍ରହ ନିମନ୍ତେ ଗ୍ରାମ ମହିଳା ମାନେ ଯାଇଥିବା ବେଳେ ଡ୍ରାଇଭରକୁ ହାତଗୋଡ ବନ୍ଧା ଅବସ୍ଥାରେ ଦେଖିଥିଲେ। ଏନେଇ ଗାଁ ଲୋକଙ୍କୁ କହିବାପରେ ତାଙ୍କୁ ସେଠାରୁ ଉଦ୍ଧାର କରି ପ୍ରଥମେ ମଠକରଗୋଳା ମେଡିକାଲ ଓ ପରେ କାମାକ୍ଷାନଗର ମେଡିକାଲରେ ଭର୍ତ୍ତି କରିଛନ୍ତି । ଏବେ ଡ୍ରାଇଭରଙ୍କ ଅବସ୍ଥା ସ୍ଥିର ଥିବା ଜଣାପଡିଛି । ତାଙ୍କ ଠାରୁ ମୋବାଇଲ, ପଇସା ଲୁଟ ହୋଇଥିବା ଜଣାପଡିଛି ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
