ଢେଙ୍କାନାଳ: ସଦର ଥାନା ସାରିଆପଡାରେ ଭୟାବହ ଅଗ୍ନିକାଣ୍ଡ। ବିଦ୍ୟୁତ ସର୍ଟ ସର୍କିଟରୁ ଲାଗିଲା, ପୋଡି ପାଉଁଶ ହୋଇଗଲା ୪ ବଖରା ଘରସହ 3ଲକ୍ଷଟଙ୍କାର ସମ୍ପତ୍ତି । ଗତ ରାତ୍ରିରେ ଗ୍ରାମର ନଟବର ନାୟକଙ୍କ ଘର ଓ ଗୁହାଳ ଏହି ଅଗ୍ନିକାଣ୍ଡ ଘଟିଥିଲା ।
ସୂଚନା ଅନୁଯାୟୀ ଗତରାତିରେ ନଟବରଙ୍କ ଘରେ ନିଆଁ ଲାଗିଥିବା ଖବର ପାଇଁ ଘଟଣାସ୍ଥଳରେ ଦମକଳ ବାହିନୀ ପହଞ୍ଚି ନିଆଁକୁ ଆୟତ୍ତ କରିଥିଲା । ଅଗ୍ନିକାଣ୍ଡରେ ୪ବଖରା ଘର, ଗୁହାଳ ଓ ସମସ୍ତ ଆସବା ପୋଡି ପାଉଁଶ ହୋଇଯାଇଛି । ତେବେ ଗୁହାଳରେ ନିଆଁ ଲାଗିବାରୁ ବନ୍ଧା ହୋଇଥିବା ଏକ ବାଛୁରୀ ନିଆଁରେ ପୋଡ଼ି ହୋଇ ମୃତ୍ୟୁବରଣ କରିଥିବା ବେଳେ ଗୋଟିଏ ଗାଈ ପୋଡି ହୋଇ ଗୁରୁତର ହୋଇଛି । ବିଦ୍ୟୁତ ସର୍ଟ ସର୍କିଟରୁ ଏହି ଅଗ୍ନିକାଣ୍ଡ ଘଟିଥିବା ଜଣାପଡିଛି ।
ଢୋଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
