ଅନୁଗୋଳ: ସହରର ସୁଶୀଲ ଅଗ୍ରୱାଲ ନାମକ ଜଣେ ବ୍ୟବସାୟୀଙ୍କ ନାଁରେ ଆସିଥିବା ସୁଧ କାରବାର ଅଭିଯୋଗ ଏବେ ଭିନ୍ନ ମୋଡ଼ ନେଇଛି । ପୋଲିସ ସୁଶୀଲଙ୍କ ବିରୁଦ୍ଧରେ ମିଥ୍ୟା ମକଦ୍ଦମା କରିଥିବାରୁ ସେ ପୋଲିସ ବିରୁଦ୍ଧରେ କୋର୍ଟରେ ମାନହାନି କେସ କରିବାକୁ ଚାହୁଁଥିବା ସାମ୍ବାଦିକ ସମ୍ମିଳନୀରେ କହିଛନ୍ତି ।
ପୋଲିସ ନାଁରେ ମାନହାନି ମାମଲା ରୁଜୁ କରିବେ ଅନୁଗୋଳର ବ୍ୟବସାୟୀ
ସୂଚନା ଅନୁଯାୟୀ ଛେଣ୍ଡିପଦା ଥାନା କମ୍ପସଲା ହାଇସ୍କୁଲର ଶିକ୍ଷକ ବଂଶୀଧର ଦେହୁରୀ ସୁଶୀଲଙ୍କ ବିରୁଦ୍ଧରେ ଗତ ୧୨ ତାରିଖରେ ସୁଧ କାରବାରରେ ହେରଫେର୍ କରିଥିବା ଅନୁଗୋଳ ସଦର ଥାନାରେ ଅଭିଯୋଗ କରିଥିଲେ । ବଂଶୀଧର ଦେହୁରୀ ଅଭିଯୋଗ କରିଥିଲେ ଯେ, ସେ ସୁଶୀଲଙ୍କ ଠାରୁ ୫ ଲକ୍ଷ କରଜ କରିଥିଲେ । ମାତ୍ର ସୁଧ ବାବଦକୁ ସୁଶୀଲ 25 ଲକ୍ଷ ଟଙ୍କା ଦେବାକୁ ଧମକ ଦେଇଥିଲେ । ଏନେଇ ପୋଲିସ ଏକ ମକଦ୍ଦମା ରୁଜୁ କରି ସୁଶୀଲଙ୍କୁ ଗିରଫ କରିଥିଲେ । ଅବଶ୍ୟ ସୁଶୀଲଙ୍କୁ ତୁରନ୍ତ ଜାମିନ ମିଳିଯାଇଥିଲା ।