ସୁବର୍ଣ୍ଣପୁର: ରଖେ ହରି ତ ମାରେ କିଏ ? ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକ ଅନ୍ତର୍ଗତ ବିଦୁରୁପାଲି ଠାରେ ଏକ ବଳଦ ଅଳ୍ପକେ ମୃତ୍ୟୁ ମୁଖରୁ ବଞ୍ଚିପାରିଛି। ବିଦୁରୁପାଲି ଗାଁର ଦେବେନ୍ଦ୍ର ଶତପଥୀ ନିଜ ବିଲରେ ଏକ କୁଅ ଖୋଳିଥିବା ବେଳେ ରିଙ୍ଗ୍ ପକାଇ ସାରିଥିଲେ । ତେବେ କୂଅ ପାଖରେ ଚରୁ ଚରୁ ଏକ ବଳଦ କୁଅ ଭିତରେ ପଡିଯାଇଥିଲା।
କୂଅରୁ ସୁରକ୍ଷିତ ଉଦ୍ଧାର ହେଲା ବଳଦ
ଆଖପାଖରେ ଥିବା କିଛି ଲୋକ ବଳଦ କୂଅରେ ପଡି ଯାଇଥିବା ଦେଖିବାକୁ ପାଇଥିଲେ । ଏନେଇ ଉଲୁଣ୍ଡା ଅଗ୍ନିଶମ ବିଭାଗକୁ ଖବର ଦେଇଥିଲେ । ଅଗ୍ନିଶମ କର୍ମଚାରୀମାନେ ଦୀର୍ଘ ଦେଢ ଘଣ୍ଟା ପରିଶ୍ରମ କରି ବଳଦକୁ କୂଅ ଭିତରୁ ସୁରକ୍ଷିତ ଭାବରେ ଉଦ୍ଧାର କରିଛନ୍ତି ।