ବାଇକ ଉପରେ ଚଢ଼ିଗଲା ଟ୍ରକ, ଜଣେ ମୃତ

ଢେଙ୍କାନାଳ ଜିଲ୍ଲା ପରଜଙ୍ଗ ଥାନା ଅନ୍ତର୍ଗତ ଆମ୍ବ ପଳାସ ନିକଟରେ ଏକ ବାଇକ ଉପରେ ଟ୍ରକ ଚଢି ଯାଇଛି । ଘଟଣାସ୍ଥଳରେ ବାଇକ ଆରୋହୀଙ୍କର ମୃତ୍ୟୁ ଘଟିଛି । ଅଧିକ ପଢନ୍ତୁ...

ଢେଙ୍କାନାଳ: ବାଇକ ଉପରେ ଚଢ଼ିଗଲା ଟ୍ରକ । ଘଟଣାସ୍ଥଳରେ ବାଇକ ଆରୋହୀଙ୍କର ମୃତ୍ୟୁ ଘଟିଛି । ଏପଟେ ଦୁର୍ଘଟଣା ଘଟାଇ ଟ୍ରକ ଫେରାର । ଢେଙ୍କାନାଳ ଜିଲ୍ଲା ପରଜଙ୍ଗ ଥାନା ଅନ୍ତର୍ଗତ ଆମ୍ବପଳାସ ଗ୍ରାଁ ନିକଟସ୍ଥ ମଧୁବନ ଛକରେ ଏହି ଦୁର୍ଘଟଣା ଘଟିଛି । ମୃତକ ବାଇକ ଆରୋହୀ ଜଣଙ୍କ ହେଲେ ପରଜଙ୍ଗ ଥାନା ପଡିଆଭଙ୍ଗା ଗ୍ରାମର ଭାଗ୍ୟବାନ ସାହୁ l

ସୂଚନା ଅନୁସାରେ ଭାଗ୍ୟବାନ ଆଜି ଏକ ମୋଟର ସାଇକେଲ ଯୋଗେ କୋଇଲା ବୋଝେଇ କରି ପରଜଙ୍ଗ ଆଡୁ ମହାବୀରରୋଡ଼ ଯିବା ସମୟରେ ଏକ ଟ୍ରକ ତାଙ୍କ ବାଇକ ଉପରେ ଛାଡିଯାଇଥିଲା । ଘଟଣାସ୍ଥଳରେ ତାଙ୍କର ମୃତ୍ୟୁ ଘଟିଥିଲା । ଖବର ପାଇଁ ପରଜଙ୍ଗ ପୋଲିସ ପହଞ୍ଚି ମୃତଦେହ ଜବତ କରି ତଦନ୍ତ ଚଲାଇଛି ।

ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ