ଢେଙ୍କାନାଳ: କୋରୋନା ଯୋଗୁଁ ହେବନି ଐତିହାସିକ ଭୁବନ ବଳଦଯାତ୍ରା । ଏ ନେଇ ଶନିବାର ଭୁବନ ଥୋରିଆ ସମାଜ ଓ ପ୍ରଶାସନର ମିଳିତ ବୈଠକରେ ନିଷ୍ପତ୍ତି ନିଆଯାଇଛି । ତେବେ କେବଳ ପରମ୍ପରା ରଖିବାକୁ ବାଜିବ ଦୁଇଟି ଢୋଲ ।
ଏ ବର୍ଷ ଭୁବନର ଐତିହାସିକ ବଳଦଯାତ୍ରା ବନ୍ଦ
ରାଜ୍ୟ ତଥା ଏସିଆ ମହାଦେଶର ସର୍ବ ବୃହତମ ଗ୍ରାମ ଭୁବନରେ କେଉଁ ଆବାହମାନ କାଳରୁ ଚାଲିଆସୁଥିବା ଥୋରିଆ ସମାଜ ପରମ୍ପରାରେ ଚଳିତ ବର୍ଷ କୋରୋନା କଟକଣା ପରିବର୍ତ୍ତନ ଆଣିଛି । ଫଳରେ ପରମ୍ପରା ମୁତାବକ ପାଳିତ ହୋଇ ଆସୁଥିବା ଐତିହାସିକ ବଳଦ ଯାତ୍ରାକୁ ମହାମାରୀ କୋରନା ସଂକ୍ରମଣ ଆଶଙ୍କାରେ ପ୍ରଥମଥର ପାଇଁ ବନ୍ଦ କରିବା ପାଇଁ ନିଷ୍ପତି ହୋଇଛି। ଏହି ଉପଲକ୍ଷେ ଭୁବନ ଏନଏସି ସଭାଗୃହରେ ଆୟୋଜିତ ଶାନ୍ତି କମିଟି ବୈଠକରେ ପ୍ରଶାସନ ଓ ଥୋରିଆ ସମାଜ ତଥା ଭୁବନ ଗ୍ରାମବାସୀଙ୍କୁ ନେଇ ମିଳିତଭାବେ ଆୟୋଜିତ ବୈଠକରେ ଏହି ନିଷ୍ପତି ହୋଇଛି।