ଢେଙ୍କାନାଳ: ରାଜ୍ୟରେ କୋଭିଡ ସଂକ୍ରମଣ ହ୍ରାସ ସାଙ୍ଗକୁ ପିଲାଙ୍କ ଶିକ୍ଷାଦାନ ଜରୁରୀ ମନେକରି ନବମ ଓ ଦଶମ ଶ୍ରେଣୀ ଅଫ ଲାଇନ ପାଠପଢା ଆରମ୍ଭ ହୋଇଛି । ତେବେ ତୃତୀୟ ଦଫାରେ ଶିଶୁଙ୍କ ସୁରକ୍ଷା ନେଇ ସମସ୍ତେ ଚିନ୍ତାରେ ପଡି ଯାଇଛନ୍ତି । ମାତ୍ର ଢେଙ୍କାନାଳ ଜିଲ୍ଲା କାମାକ୍ଷାନଗର ଉପଖଣ୍ଡର କାନପୁରା ସ୍ଥିତ ପଞ୍ଚାୟତରାଜ ହାଇସ୍କୁଲ ଚର୍ଚ୍ଚା ଘେରକୁ ଆସିଛି ।
୧୧ ଛାତ୍ରଛାତ୍ରୀ ଆକ୍ରାନ୍ତ, ୭ ଦିନ ସ୍କୁଲ ବନ୍ଦ ଘୋଷଣା
ତେବେ ଢେଙ୍କାନାଳ ଜିଲ୍ଲା କାମାକ୍ଷାନଗର ଏହି କାନପୁରା ପଞ୍ଚାୟତରାଜ ହାଇସ୍କୁଲକୁ ୭ଦିନ ପାଇଁ ବନ୍ଦ ନିର୍ଦ୍ଦେଶ ଦେଇଛନ୍ତି ଜିଲ୍ଲା ଶିକ୍ଷାଧିକାରୀ । ସ୍କୁଲର ନବମ ଓ ଦଶମ ଶ୍ରେଣୀର ୧୧ଜଣ ଛାତ୍ରଛାତ୍ରୀ ପଜିଟିଭ ଚିହ୍ନଟ ପରେ ଏହି ବନ୍ଦ ଘୋଷଣା କରିଛି ଶିକ୍ଷା ବିଭାଗ । ଗତ ସପ୍ତାହରେ ସ୍କୁଲର ଶିକ୍ଷକ ସମେତ ୯ ଜଣ ପଜିଟିଭ ହୋଇଛନ୍ତି । ଏବଂ ପୁଣି ୧୧ ଜଣ ଛାତ୍ରଛାତ୍ରୀ ପଜିଟିଭ ଚିହ୍ନଟ ହେବାପରେ ଶିକ୍ଷା ବିଭାଗ ଏହି ନିଷ୍ପତ୍ତି ନେଇଛି ।