ଢେଙ୍କାନାଳ: ଜିଲ୍ଲାରେ ଶନିବାର ଷଢଙ୍ଗୀ ବନାଞ୍ଚଳର ବେଗା ସଂରକ୍ଷିତ ଜଙ୍ଗଲର କରଡ଼ାବଣୀଠାରେ ପଥର ମାଫିଆମାନେ ବନକର୍ମଚାରୀଙ୍କୁ ଆକ୍ରମଣ କରିଛନ୍ତି । ଏହି ଆକ୍ରମଣରେ ଜଣେ ଫରେଷ୍ଟ ଗାର୍ଡଙ୍କ ଅବସ୍ଥା ଗୁରୁତର ଥିବା ବେଳେ 4 ଜଣ ଆହତ ହୋଇଛନ୍ତି ।
ପଥର ମାଫିଆଙ୍କ ଆକ୍ରମଣରେ ୫ ବନକର୍ମଚାରୀ ଆହତ
ଷଢଙ୍ଗୀ ବନାଞ୍ଚଳ କରଡାବଣୀ ବେଆଇନ ପଥରଖାଦାନରେ ଚଢ଼ାଉ ବେଳେ ହୋଇଛି ଏହି ଆକ୍ରମଣ ଘଟିଛି । ସେମାନଙ୍କୁ ଚିକିତ୍ସା ପାଇଁ ଗଁନ୍ଦିଆସ୍ଥିତ ଶ୍ରୀରାମଚନ୍ଦ୍ରପୁର ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଚିକିତ୍ସା ପାଇଁ ଭର୍ତ୍ତି କାରାଯାଇଛି । ଗୁରୁତର ଜଣଙ୍କ ଷଢଙ୍ଗୀ ରେଞ୍ଜ ଖଙ୍କିରା ସେକ୍ସନର ଫରେଷ୍ଟ ଗାର୍ଡ ସଞ୍ଜୟ ମହାପାତ୍ର ବୋଲି ଜଣାପଡିଛି । ତେବେ ଖଙ୍କିରା ଫରେଷ୍ଟର ରଶ୍ମିରଞ୍ଜନ ଦାସଙ୍କ ସମେତ ଅନ୍ୟ ଚାରିଜଣ ବନକର୍ମଚାରୀ ପଥର ମାଫିଆଙ୍କ ଆକ୍ରମଣରେ ଆହତ ହୋଇଥିବା ଜଣାପଡିଛି ।