କୋରୋନା ରୋଗୀଙ୍କୁ ପ୍ଲାଜମା ଦାନ କରିବେ ଢେଙ୍କାନାଳର 4 ଯୁବକ

କୋରୋନାରେ ପୀଡିତ ଲୋକଙ୍କ ଜୀବନ ରକ୍ଷା ପାଇଁ ଆଗେଇ ଆସିଛନ୍ତି ଢେଙ୍କାନାଳର 4 ଜଣ ଯୁବକ ।

ଢେଙ୍କାନାଳ: କୋରୋନାରେ ପୀଡିତ ଲୋକଙ୍କ ଜୀବନ ରକ୍ଷା ପାଇଁ ଆଗେଇ ଆସିଛନ୍ତି ଢେଙ୍କାନାଳର 4 ଜଣ ଯୁବକ । ଢେଙ୍କାନାଳ ଜିଲ୍ଲାର ଏହି 4 ଯୁବକ ସୋମବାର ସେମାନଙ୍କର ପ୍ଲାଜମା ଦାନ କରିବାକୁ ଢେଙ୍କାନାଳ ଜିଲ୍ଲା ପ୍ରଶାସନ ମାଧ୍ୟମରେ କଟକ ଏସସିବି ଯାଇଛନ୍ତି ।

ଏମାନେ ହେଲେ ଭୁବନ ବ୍ଲକ ଜିରାଳର ସରୋଜ ଖୁଣ୍ଟିଆ ଓ ମାନସ ରାଉତ, ସାନବ୍ରହ୍ମପୁରର ପତିତପାବନ ନାୟକ ଓ କାମାକ୍ଷାନଗର ନୂଆ ଆଳୁତମାର ଔରଙ୍ଗଜେବ ନାୟକ ବୋଲି ଜଣାପଡିଛି । କୋରୋନା ସଂକ୍ରମିତ ହୋଇ ଚିକିତ୍ସା ପରେ ଏମାନେ ସୁସ୍ଥ ହୋଇ ଘରକୁ ଫେରିଥିଲେ । ସେମାନଙ୍କ ପ୍ଲାଜମା ଦାନ ଦ୍ବାରା କୋରୋନା ରୋଗୀ ସୁସ୍ଥ ହେବେ ବୋଲି 4ଜଣ ଖୁସି ବ୍ୟକ୍ତ କରିଛନ୍ତି ।

ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ