ଢେଙ୍କାନାଳ:ଜିଲ୍ଲା ପରଜଙ୍ଗ କଙ୍କଡାସୋଡା ଗ୍ରାମରେ କମେଣ୍ଟ ମରାକୁ ନେଇ ହତ୍ୟାକାଣ୍ଡ ଘଟଣାର ତିନି ଅଭିଯୁକ୍ତଙ୍କୁ ଗିରଫ କରିଛି ପରଜଙ୍ଗ ପୋଲିସ । ତେବେ ଗିରଫ ଅଭିଯୁକ୍ତମାନେ ହେଲେ କଙ୍କଡାସୋଡା ଗ୍ରାମର ଟୁକୁନା ଭୋଇ, ସିପୁନ ଭୋଇ ଓ ଭଜମନ ଭୋଇ ।
ସୂଚନାନୁସାରେ ଗତ ୧୯ତାରିଖ ରାତିରେ ଝିଅକୁ କମେଣ୍ଟ ମରା ନେଇ ବଚସାରୁ ଘଟିଥିଲା ହତ୍ୟାକାଣ୍ଡ । ଢେଙ୍କାନାଳ ଜିଲ୍ଲା ପରଜଙ୍ଗ ଥାନା ଅନ୍ତର୍ଗତ କଙ୍କଡାସୋଡା ଗ୍ରାମରେ ହୋଇଥିଲା ସଙ୍ଗବଦ୍ଧ ଆକ୍ରମଣ । ଏହି ଆକ୍ରମରେରେ ବାପର ମୃତ୍ୟୁ ଘଟି ଥିବାବେଳେ ପୁଅ ଗୁରୁତର ଆହତ ହୋଇଥିଲା। । ମୃତକ ହେଲେ ପରଜଙ୍ଗ ଥାନା କଙ୍କଡାସୋଡା ଗ୍ରାମର ବାପା ପୂର୍ଣ୍ଣଚନ୍ଦ୍ର ବାଇ । ଆକ୍ରମଣରେ ପୂର୍ଣ୍ଣଚନ୍ଦ୍ରଙ୍କ ପୁଅ ମୋହନ ବାଇ ମଧ୍ୟ ଗୁରୁତର ହୋଇଛନ୍ତି । ପୂର୍ଣ୍ଣଚନ୍ଦ୍ରଙ୍କ ନାତୁଣୀକୁ ତାଙ୍କ ଗ୍ରାମର ଭୋଇ ପରିବାରର ଜଣେ ଯୁବକ କମେଣ୍ଟ ମାରିଥବାକୁ ନେଇ ବଚସା ହୋଇଥିଲେ ।
କମେଣ୍ଟ ମରାକୁ ନେଇ ହତ୍ୟାକାଣ୍ଡ: 3 ଗିରଫ
ଢେଙ୍କାନାଳରେ କମେଣ୍ଟ ମରାକୁ ନେଇ ଘଟିଥିବା ହତ୍ୟାକାଣ୍ଡରେ 3 ଜଣଙ୍କୁ ଗିରଫ କଲା ପୋଲିସ । ଅଧିକ ପଢନ୍ତୁ...
କମେଣ୍ଟ ମରାକୁ ନେଇ ହତ୍ୟାକାଣ୍ଡ: 3 ଗିରଫ
ଏହାକୁ ନେଇ ୧୯ ତାରିଖ ରାତିରେ ଉକ୍ତ ଗ୍ରାମର ଭୋଇ ପରିବାରର ସିପୁନ ଭୋଇ, ଟୁକୁନା ଭୋଇ, ପବିତ୍ର ଭୋଇ, ଭଜମନ ଭୋଇ, ବିଦେଶି ଭୋଇ, ଅର୍ଚ୍ଚନା ଭୋଇ, ଚିନ୍ମୟୀ ଭୋଇ, ସିଲୁ ଭୋଇ ଅତର୍କିତ ଆକ୍ରମଣ କରିଥିଲେ । ଏହି ସମୟରେ ପୂର୍ଣଚନ୍ଦ୍ରଙ୍କୁ ବଞ୍ଚାଇବାକୁ ଯିବା ବେଳେ ପୁଅ ମୋହନ ମଧ୍ୟ ଆକ୍ରମଣର ଶିକାର ହୋଇଥିଲେ । ଉଭୟଙ୍କୁ ଚିକିତ୍ସା ପାଇଁ ପରଜଙ୍ଗ ମେଡିକାଲକୁ ନିଆଯାଉ ଥିବାବେଳେ ବାପା ପୂର୍ଣ୍ଣଚନ୍ଦ୍ରଙ୍କ ମୃତ୍ୟୁ ହୋଇଥିଲା । ପୁଅ ମୋହନଙ୍କ ଅବସ୍ଥା ଗୁରୁତର ଥିବାରୁ ତାଙ୍କୁ ତାଳଚେର ସ୍ଥିତ ମଣ୍ଡାପାଳ ଚିକିତ୍ସାଳୟକୁ ସ୍ଥାନାନ୍ତର କରାଯାଇଥିଲା । ଏନେଇ ପରଜଙ୍ଗ ଥାନାରେ ଲିଖିତ ଅଭିଯୋଗ ପରେ ପୋଲିସ ତଦନ୍ତ କରିଥିଲା । ସେବେଠାରୁ ଅଭିଯୁକ୍ତମାନେ ଫେରାର ହୋଇଯାଇଥିଲେ । ଆଜି(ଶୁକ୍ରବାର) ପରଜଙ୍ଗ ପୋଲିସ ୩ଜଣ ଅଭିଯୁକ୍ତଙ୍କୁ କଙ୍କଡାସୋଡାରୁ ଗିରଫ କରିଥିବା ଜଣାପଡିଛି ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ