ଢେଙ୍କାନାଳ: ରାଜ୍ୟରେ କୋରୋନା ଆକ୍ରାନ୍ତଙ୍କ ସଂଖ୍ୟା ଥମିବାର ନାମ ନେଉନାହିଁ । ଏହି କ୍ରମରେ ଢେଙ୍କାନାଳରେ ଦୁଇ ନୂଆ କୋରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଏହାକୁ ମିଶାଇ ଜିଲ୍ଲାରେ ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଇ 51ରେ ପହଞ୍ଚିଛି ।
ଚିହ୍ନଟ ହୋଇଥିବା 2 ନୂଆ ଆକ୍ରାନ୍ତ ଢେଙ୍କାନାଳ କାରିଗର ସାହି ଅଞ୍ଚଳର ୬୦ ବର୍ଷୀୟ ଜଣେ ବୃଦ୍ଧା ମହିଳା ଏବଂ ଓ ତାଙ୍କ ପୁଅ ଥିବା ସୂଚନା ମିଳିଛି । ସେମାନେ ଗତ ଜୁନ 6ରେ ଉତ୍ତରପ୍ରଦେଶ ମଥୁରାରୁ ଫେରି ହୋମ କ୍ଵାରେଣ୍ଟାଇନରେ ଥିଲେ।
ଏହାପରେ ସେମାନଙ୍କ ରକ୍ତ ନମୁନା କୋରୋନା ପରୀକ୍ଷା ପାଇଁ ପଠାଯାଇଥିଲା । ତେବେ ଗତ ଶନିବାର ସେମାନଙ୍କ ରିପୋର୍ଟ ପଜେଟିଭ ଆସିଛି । ଉଭୟ ମା ଏବଂ ପୁଅଙ୍କୁ ତାଳଚେର କୋଭିଡ ହସ୍ପିଟାଲକୁ ପଠାଯାଇଛି। ଏପଟେ ପୌରସଂସ୍ଥା ପକ୍ଷରୁ କାରିଗର ସାହିର ଅଭିନନ୍ଦନ ଗାର୍ଡେନ ଅଞ୍ଚଳକୁ ସାନିଟାଇଜ କରାଯାଉଛି ।
ପ୍ରକାଶ ଥାଉକି, ବର୍ତ୍ତମାନ ସୁଦ୍ଧା ଢେ଼ଙ୍କାନାଳ ଜିଲ୍ଲାରେ 51 ଜଣ ଆକ୍ରାନ୍ତ ଥିବାବେଳେ ସେମାନଙ୍କ ମଧ୍ୟରୁ ୩୩ଜଣ ଆକ୍ରାନ୍ତ ସୁସ୍ଥ ହୋଇ ଘରକୁ ଫେରିଛନ୍ତି । ଏଥିସହ ୧୮ ଜଣ ଆକ୍ରାନ୍ତ ବର୍ତ୍ତମାନ ତାଳଚେର କୋଭିଡ ହସ୍ପିଟାଲରେ ଚିକିତ୍ସିତ ହେଉଛନ୍ତି ।
ଢେ଼ଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ