ଢେଙ୍କାନାଳ: ଜିଲ୍ଲା କାମାକ୍ଷାନଗର ଥାନା ବେଢାପାଳ ଗାଁରେ ଭୋଜି ଖାଇବା ପରେ 15ରୁ ଅଧିକ ଲୋକମାନେ ଝାଡାବାନ୍ତିରେ ଆକ୍ରାନ୍ତ ହୋଇଥିବା ଜଣାପଡିଛି । ତେବେ ସେମାନଙ୍କ ମଧ୍ୟରୁ 2 ଜଣଙ୍କର ମୃତ୍ୟୁ ଘଟିଥିବା ବେଳେ 4 ଜଣଙ୍କ ଅବସ୍ଥା ଗୁରୁତର ହୋଇଛି ।
ଭୋଜି ଖାଇ ଝାଡାବାନ୍ତିରେ 2 ମୃତ, 4 ଗୁରୁତର
ମୃତକ ଦୁଇ ଜଣ ହେଲେ ବେଢାପାଳ ଗ୍ରାମ ହରିଜନ ସାହିର ବାଙ୍କ ମଲ୍ଲିକ ଏବଂ ଭଗବାନ ମଲ୍ଲିକ । ୪ ଗୁରୁତରଙ୍କୁ ଢେଙ୍କାନାଳ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ତେବେ ଗୁରୁତରମାନେ ହେଉଛନ୍ତି ଗୋପବନ୍ଧୁ ସ୍ବାଇଁ,ବିଚିତ୍ର ଲେଙ୍କା, ଜଗବନ୍ଧୁ ଲେଙ୍କା, ପପୁନା ମଲ୍ଲିକ । ସୂଚନା ଅନୁଯାୟୀ, ଗତ ଗୁରୁବାର ଦିନ ଗ୍ରାମର ସର୍ବେଶ୍ବର ବେହେରାଙ୍କ ଘର ଛାତ ପଡିଥିଲା । ସେଠାକୁ ପ୍ରାୟ ୨୨ ଜଣ ଶ୍ରମିକ କାମ କରିବାକୁ ଯାଇଥିଲେ । ସେଠାରେ ଭୋଜିରେ ମାଛ ଓ ଚିକେନ ରୋଷେଇ ହୋଇଥିଲା । ତେବେ ଏହି ଖାଦ୍ୟକୁ ଶ୍ରମିକମାନେ ଖାଇଥିଲେ ।