ଢେଙ୍କାନାଳ: ଭରାସାମ୍ୟ ହରାଇ କଲଭର୍ଟରେ ପିଟିହେଲା କାର । ମର୍ମନ୍ତୁଦ ସଡକ ଦୁର୍ଘଟଣାରେ 2ଜଣଙ୍କ ମୃତ୍ୟୁ ଘଟିଥିବାବେଳେ ଜଣେ ଗୁରୁତର ହୋଇଛି । ଢେଙ୍କାନାଳ କାମାକ୍ଷାନଗର ରାସ୍ତାର ତୁମୁସିଙ୍ଗା ଥାନା ଅନ୍ତର୍ଗତ ଖଟୁଆହତା ଠାରେ ଏକ କାର ଭାରସାମ୍ୟ ହରାଇ ରାସ୍ତାପାର୍ଶ୍ଵ କଲଭର୍ଟରେ ଧକ୍କା ହୋଇଛି ।
ଏହି ଦୁର୍ଘଟଣାରେ ମୃତକ 2 ଜଣ ମହିଳା ହୋଇଥିବାବେଳେ ଗୁରୁତର ଜଣଙ୍କ ମଧ୍ୟ ଜଣେ ମହିଳା ବୋଲି ଜଣାପଡିଛି । ମୃତ ଦୁଇ ମହିଳାଙ୍କ ମଧ୍ୟରୁ ଘଟଣାସ୍ଥଳରେ ଜଣଙ୍କର ମୃତ୍ୟୁ ହୋଇଥିବା ବେଳେ ଚିକିତ୍ସାଧୀନ ଅବସ୍ଥାରେ ଅନ୍ୟ ଜଣଙ୍କର ମୃତ୍ୟୁ ହୋଇଛି।
ମୃତକ ହେଲେ କାମାକ୍ଷାନଗର ଥାନା ମଠକରଗୋଳା ବାଲିସାହି ଗ୍ରାମର ଲକ୍ଷ୍ମୀ ନାୟକ ଓ ନିରେଇ ଦାସ। ଗୁରତର ମହିଳା ଜଣକ ହେଲେ ପୁଷ୍ପାଞ୍ଜଳି ବେହେରା।
ଏମାନେ ସମସ୍ତେ ଏକ ଇଣ୍ଡିଗୋ କାର ଯୋଗେଁ ଢେଙ୍କାନାଳରୁ କାମ ସାରି ଘରକୁ ଫେରୁଥିବା ସମୟରେ ଢେଙ୍କାନାଳ-କାମାକ୍ଷାନଗର ମୁଖ୍ୟରାସ୍ତା ଖଟୁଆହାତା ଛକ ନକଟରେ ଭାରସମ୍ୟ ହରାଇ କାରଟି କଲଭର୍ଟରେ ପିଟିହୋଇ ରାସ୍ତା ତଳକୁ ଓଲଟି ପଡିଥିଲା। ଖବରପାଇ ଘଟଣାସ୍ଥଳରେ ପୋଲିସ ପହଞ୍ଚି ଗୁରତରଙ୍କୁ ଆମ୍ବୁଲାନ୍ସ ଯୋଗେଁ ଢେଙ୍କାନାଳ ମେଡିକାଲ ପଠାଇଥିବା ଜଣାପଡିଛି ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ