ଢେଙ୍କାନାଳ:ଆଜି ୧୨ଘଣ୍ଟିଆ ଢେଙ୍କାନାଳ ବନ୍ଦ ଡାକରା । NH-୫୫ର ଦୂରାବସ୍ଥା ନେଇ ଦିଆଯାଇଛି ବନ୍ଦ ଡାକରା । ଜିଲ୍ଲା ଓକିଲ ସଂଘ ନେତୃତ୍ୱରେ ମିଳିତ କ୍ରିୟାନୁଷ୍ଠାନ କମିଟି ପକ୍ଷରୁ ଏହି ବନ୍ଦ ଡ଼ାକରା ଦିଆଯାଇଛି । ଜିଲ୍ଲା ସାମ୍ବାଦିକ ସଂଘ, ବାଣିଜ୍ୟ ପ୍ରତିଷ୍ଠାନ, ଘରୋଇ ବସ, ଟ୍ରକ ମାଲିକ ସଂଘ ଓ ମିଳିତ ବଜାର କମିଟି ଏହି ବନ୍ଦରେ ସାମିଲ ହୋଇଛନ୍ତି ।
ସକାଳ ଢେଙ୍କାନାଳରେ ସମସ୍ତ ଦୋକାନ ବଜାର, ସ୍କୁଲ, କଲେଜ, ବ୍ୟାଙ୍କ ପେଟ୍ରୋଲ ପମ୍ପ ଆଦି ସମସ୍ତ ସରକାରୀ ଓ ବେସରକାରୀ ଅନୁଷ୍ଠାନ ସଂପୂର୍ଣ୍ଣ ବନ୍ଦ ରହିଥିବା ଦେଖିବାକୁ ମିଳିଛି । ସେପଟେ ପୂର୍ବତଟ ରେଳପଥକୁ ଶ୍ୟାମଚରଣପୁର ଠାରେ ସକାଳ ୭ଟାରୁ ଦୁଇ ଘଣ୍ଟା ପାଇଁ ବନ୍ଦ ରଖାଯାଇଛି । ଏନଏଚ-୫୫ କୁ କଲେଜ ବାଏ ପାସ, କୋରିଆଁ ଛକ ଠାରେ ଓ ପୁରୁଣା କଟକ ସମ୍ବଲପୁର ରାସ୍ତାକୁ ଭାପୁର ଛକରେ ଅବରୋଧ କରିଛନ୍ତି ଆନ୍ଦୋଳନକାରୀ । ଯାହା ଫଳରେ କଟକ ସମ୍ବଲପୁର ମଧ୍ୟରେ ଯାତାୟାତ ସଂପୂର୍ଣ୍ଣ ଠପ ହୋଇଯାଇଛି ।