ଦେବଗଡ଼: ଜିଲ୍ଲାର ବାରକୋଟ ଥାନା ଅନ୍ତର୍ଗତ ବିଦେଇ ବଡ଼କୁଦର ଛକ ନିକଟସ୍ଥ 49 ନମ୍ବର ଜାତୀୟ ରାଜପଥରେ ଆଜି(ଶନିବାର) ସନ୍ଧ୍ୟାରେ ଟ୍ରକ ଚାପାରେ ଦୁଇ ଜଣ ଯୁବକଙ୍କ ମୃତ୍ୟୁ ଘଟିଛି l ମିଳିଥିବା ସୂଚନା ଅନୁଯାୟୀ, ଆଜି ସନ୍ଧ୍ୟା ପ୍ରାୟ ସାଢ଼େ ସାତଟା(୭:୩୦) ସମୟରେ ଜାଲିସୁଆଁ ଗ୍ରାମର ସୁରେନ୍ଦ୍ର ମହନ୍ତ ଓ ଲିକୁ ନାୟକ ହୋଲି ଖେଳି ସାରି ବଡ଼କୁଦର ଗ୍ରାମରୁ ଜାଲିସୁଆଁ ସ୍ଥିତ ନିଜ ଘରକୁ ଫେରୁଥିବାବେଳେ ବିଦେଇବଡ଼କୁଦର ଗ୍ରାମ ଛକ ନିକଟ 49 ନମ୍ବର ଜାତୀୟ ରାଜପଥରେ ସମ୍ମୁଖ ପଟୁ ଆସୁଥିବା ଏକ ମାଲ୍ ବୋଝେଇ ଟ୍ରକ ସହ ମୁହାଁମୁହିଁ ଧକ୍କା ହୋଇଥିଲା l
ହୋଲିରେ ଅଘଟଣ, ଦେବଗଡ଼ରେ ଟ୍ରକ ଧକ୍କାରେ ୨ ମୃତ - ଦେବଗଡ଼ରେ ଟ୍ରକ ଦୁର୍ଘଟଣା
ହୋଲି ଖେଳି ଫେରୁଥିବାବେଳେ ବାରକୋଟ ଥାନା ଅନ୍ତର୍ଗତ ବିଦେଇ ବଡ଼କୁଦର ଛକ ନିକଟସ୍ଥ 49 ନମ୍ବର ଜାତୀୟ ରାଜପଥରେ ଆଜି(ଶନିବାର) ସନ୍ଧ୍ୟାରେ ଟ୍ରକ ଚାପାରେ ଦୁଇ ଜଣ ଯୁବକଙ୍କ ମୃତ୍ୟୁ। ଅଧିକ ପଢନ୍ତୁ
ହୋଲିରେ ଅଘଟଣ, ଦେବଗଡ଼ରେ ଟ୍ରକ ଧକ୍କାରେ ୨ ମୃତ
ଫଳରେ ଘଟଣାସ୍ଥଳରେ ସୁରେନ୍ଦ୍ରଙ୍କ ମୃତ୍ୟୁ ଘଟିଥିବାବେଳେ ବାରକୋଟ ଡାକ୍ତରଖାନରେ ଚିକିତ୍ସାଧୀନ ଅବସ୍ଥାରେ ଲିକୁଙ୍କ ମୃତ୍ୟୁ ଘଟିଛି l ଅନ୍ୟ ପକ୍ଷରେ ମୃତକଙ୍କ ପରିବାରକୁ କ୍ଷତି ପୂରଣ ଦାବିରେ ସ୍ଥାନୀୟ ଲୋକଙ୍କ ରାସ୍ତାରୋକ୍ କରିଥିଲେ । ତେବେ ବାରକୋଟ ଥାନା ପୁଲିସ ଘଟଣାସ୍ଥଳରେ ପହଞ୍ଚି ଉତ୍ୟକ୍ତ ଲୋକଙ୍କୁ ବୁଝାସୁଝା କରିବା ପରେ ସ୍ଥିତି ସ୍ବାଭାବିକ ହୋଇଥିଲା l
ଦେବଗଡ଼ରୁ ସରୋଜ ଶତପଥି, ଇଟିଭି ଭାରତ