ଦେବଗଡ଼: ଜିଲ୍ଲାରେ ଦିନକୁ ଦିନ ବଢି ଚାଲିଛି ହାତୀ ଉପଦ୍ରବ । ଦେବଗଡ଼ ଜିଲ୍ଲାର ବିଭିନ୍ନ ଅଞ୍ଚଳରେ ହାତୀପଲ ବ୍ୟାପକ ଧାନ ଫସଲ ନଷ୍ଟ କରି ଆସୁଥିବାବେଳେ ଗୁରୁବାର ଏକ ଦନ୍ତାହାତୀ ଆକ୍ରମଣରେ ସୁଗୁଡା ଗାଁର 2 ଜଣ ବ୍ୟକ୍ତି ଗୁରୁତର ଆହତ ହୋଇ ଦେବଗଡ଼ ମେଡ଼ିକାଲରେ ଚିକିତ୍ସିତ ହେଉଥିବା ଜଣାଯାଇଛି ।
ଦନ୍ତାହାତୀ ଆକ୍ରମଣରେ 2 ଗୁରୁତର
ସୂଚନା ଅନୁଯାୟୀ, ଦେବଗଡ଼ ରେଞ୍ଜ ଅଧିନସ୍ଥ ସୁଗୁଡା ପଞ୍ଚାୟତର ଶ୍ରୀନିବାସପୁର ଗାଁ ନିକଟରେ ଥିବା ଉଚୁଣି ହୁଳି ଠାରେ ସୁଗୁଡା ଗାଁର କୈଳାଶ ସାହୁ ଓ ମଥୁରା ସାହୁ ନିଜ ଚାଷଜମିରେ କାମ କରୁଥିବାବେଳେ ହଠାତ ଏକ ଦନ୍ତାହାତୀ ଆସି ସେମାନଙ୍କୁ ଆକ୍ରମଣ କରିଥିଲା । ହାତୀ ଆକ୍ରମଣରେ ଆହତ ହୋଇ ସେମାନେ ଚିତ୍କାର କରୁଥିବାବେଳେ, ନିକଟରେ ଥିବା କିଛି ଗ୍ରାମବାସୀ ଚିତ୍କାର ଶୁଣି ପାଖକୁ ଯାଇ ଆହତଙ୍କୁ ଉଦ୍ଧାର କରିଥିଲେ ।