ଘର ଉପରେ ମାଡିଗଲା ଟ୍ରକ, ଅଳ୍ପକେ ବର୍ତ୍ତିଲେ 4

ରାସ୍ତାକଡରେ ଥିବା ଘର ଉପରକୁ ଚଢ଼ିଗଲା ଟ୍ରକ । ଫଳରେ ଅଳ୍ପକେ ବର୍ତ୍ତିଲେ ପରିବାରର ୪ ସଦସ୍ୟ । ଏଭଳି ଅଘଟଣ ଘଟିଛି ଦେବଗଡରେ ।

ଦେବଗଡ: ଭାରସାମ୍ୟ ହରାଇ ଘର ଉପରୁ ମାଡିଗଲା ଟ୍ରକ । ଫଳରେ ମୃତ୍ୟୁମୁଖରୁ ଅଳ୍ପକେ ବର୍ତ୍ତିଲେ 4 ପ୍ରାଣୀ । ଏଭଳି ଅଭାବନୀୟ ଘଟଣା ଘଟିଛି ଦେବଗଡ ଜିଲ୍ଲା ଖଇରପାଲି ଥାନା ଅଧିନସ୍ଥ ସିଆରିମାଳିଆ ଗାଁରେ ।

ସୂଚନା ଅନୁସାରେ, ରବିବାର ଅପରାହ୍ନ ସମୟରେ ସିଆରିମାଳିଆ ଗାଁ ରାସ୍ତାରେ ଥିବା ବୁଧୁ କିଶାନଙ୍କ ଘର ଆଡକୁ ଅଚାନକ ମାଡି ଆସିଥିଲା ଏକ ଦୃତଗାମୀ ଟ୍ରକ । ଫଳରେ ଘରଟି ଭାଙ୍ଗି ଯିବା ସହ ଘରର ସମସ୍ତ ଆସବାପତ୍ର ଭାଙ୍ଗିରୁଜି ଯାଇଛି । ଏଥିସହ ପରିବାରର 4ଜଣ ସଦସ୍ୟ ଏକ ବଡ ଅଘଟଣରୁ ବର୍ତ୍ତି ଯାଇଛନ୍ତି । ଟ୍ରକ ଚାଳକ ମଦ୍ୟପାନ କରି ଗାଡି ଚଳାଉଥିବାରୁ ଏପରି ଘଟିଥିବା ସ୍ଥାନୀୟ ଲୋକେ ଅଭିଯୋଗ କରିଛନ୍ତି । ଏହାକୁ ନେଇ ଘଟଣାସ୍ଥଳରେ ଉତ୍ତେଜନା ଦେଖାଦେଇଥିଲା । କ୍ଷତିପୂରଣ ଦାବିରେ ଜିଦ୍‌ରେ ଅଡି ବସିଛନ୍ତି ଲୋକେ । ଖବର ପାଇ ପୋଲିସ ପହଞ୍ଚିଥିବା ସୂଚନା ରହିଛି ।

ଦେବଗଡରୁ ସରୋଜ ଶତପଥି, ଇଟିଭି ଭାରତ