ଦେବଗଡ: ନାଳ ଉପରେ ପୋଲଟିଏ ନିର୍ମାଣ ପାଇଁ 15 ବର୍ଷ ଧରି ଦାବି କରିଥିଲେ ଗ୍ରାମବାସୀ । ହେଲେ ଶୁଣିଲାନି ପ୍ରଶାସନ । ଶେଷରେ ଅନ୍ୟ କୌଣସି ଉପାୟ ନ ପାଇ ସେମାନେ ନାଳ ଉପରେ କାଠ ପୋଲଟିଏ ନିର୍ମାଣ କଲେ । ଏଭଳି ଘଟଣା ଦେଖିବାକୁ ମିଳିଛି ବାରକୋଟ ବ୍ଲକ ରତବ ଗ୍ରାମରେ ।
ଦେବଗଡ଼ ଜିଲ୍ଲା ବାରକୋଟ ବ୍ଲକ ଗୁରୁସଙ୍ଗ ପଞ୍ଚାୟତ ଅନ୍ତର୍ଗତ ରତବ ଗାଁରେ ବସବାସ କରନ୍ତି 60 ଟି ପରିବାର । ଏହି ଗାଁକୁ ଯାତାୟତରେ ମୁଖ୍ୟ ପ୍ରତିବନ୍ଧକ ସାଜିଛି ଯୌତୁକ ନାଳ । ଗାଁକୁ ସଂଯୋଗ କରୁଥିବା ମୁଖ୍ୟ ରାସ୍ତା ଉପରେ ପ୍ରବାହିତ ହେଉଛି ଚିରସ୍ରୋତା ଯୌତୁକ ନାଳ । ବିଶେଷକରି ବର୍ଷା ଦିନରେ ଏହି ନାଳରେ ପ୍ରବଳ ବନ୍ୟା ଆସିବା ଫଳରେ ରତବ ଗାଁଟି ବାହ୍ୟ ଜଗତରୁ ବିଚ୍ଛିନ୍ନ ହୋଇ ରହିଥାଏ । ଗ୍ରାମବାସୀ ଗାଁରୁ ବାହାରକୁ ବାହାରି ପାରନ୍ତି ନାହିଁ କିମ୍ବା କେହି ଗାଁ ଭିତରକୁ ଆସିପାରନ୍ତି ନାହିଁ । ବର୍ଷା ଚାରି ମାସ କାଳ ଲୋକଙ୍କ ଜୀବନଯାତ୍ରା ସମ୍ପୂର୍ଣ୍ଣ ରୂପେ ପ୍ରଭାବିତ ହୋଇଥାଏ ।
ଶୁଣିଲାନି ପ୍ରଶାସନ, ନିଜସ୍ବ ଉଦ୍ୟମରେ କାଠ ପୋଲ ଗଢିଲେ ଗ୍ରାମବାସୀ