ଦେବଗଡ: ଚୋରାଚାଲାଣ ବେଳେ 16 ଟନ ମହୁଲ ଜବତ, ଟ୍ରକ ଡ୍ରାଇଭର ଅଟକ । ବେଆଇନ ଚୋରାଚାଲାଣ ବେଳେ 16 ଟନ ମହୁଲ ଜବତ କରିଛି କୁଣ୍ଢେଇଗୋଳା ପୋଲିସ ।
ସୂଚନା ଅନୁଯାୟୀ , ସୋମବାର କୁଣ୍ଢେଇଗୋଳା ଥାନା ଅନ୍ତର୍ଗତ କୁଣ୍ଢେଇଗୋଳା ଗାଁ ନିକଟ 53 ନଂ ଜାତୀୟ ରାଜପଥରେ ପୋଲିସ ପକ୍ଷରୁ ଯାନବାହନ ଯାଞ୍ଚ ଚାଲିଥିଲା । ଏହି ସମୟରେ ଛେଣ୍ଡିପଡା ପଟୁ ସମ୍ବଲପୁର ଅଭିମୁଖେ ଯାଉଥିବା OD15E5699 ନଂ ଆଇଚର ଟ୍ରକ ରେ ବେଆଇନ ଭାବେ ଚାଲାଣ ହେଇଥିବା 16 ଟନ ମହୁଲଫୁଲ ସମେତ ଆଇଚର ଟ୍ରକକୁ ଜବତ କରିଛି ପୋଲିସ । ଏଥି ସହିତ ଆଇଚର ଡ୍ରାଇଭର ସମ୍ବଲପୁର ଜିଲ୍ଲା କିସିଣ୍ଡା ଅଞ୍ଚଳର କୁଞ୍ଜ ଭୋଇ (24) କୁ ପୋଲିସ ଅଟକ ରଖି ପଚରା ଉଚରା ଜାରି ରଖିଛି ।