ଦେବଗଡ଼: ବନ୍ୟାରେ ଧୋଇଗଲା ଜଳସେଚନ ପ୍ରକଳ୍ପ । ଫଳରେ କୃଷି ଉପରେ ନିର୍ଭର କରି ପେଟ ପୋଷୁଥିବା 3ଟି ଗାଁ ଲୋକେ ଚାଷକାର୍ଯ୍ୟ ରୁ ବଞ୍ଚିତ ହୋଇଛନ୍ତି । ଦେବଗଡ଼ ଜିଲ୍ଲା ରିଆମାଳ ବ୍ଲକ ଟୁହିଲାମାଳ ପଞ୍ଚାୟତ ଖଇରକାନି ଗାଁରେ ଏଭଳି ଏକ ଚିତ୍ର ଦେଖିବାକୁ ମିଳିଛି। ଚାଷଜମିକୁ ଜଳସେଚନ ଯୋଗାଇଦେବା ଲକ୍ଷ୍ୟରେ ଗତ 2005 - 06 ମସିହାରେ ସରକାର ନିର୍ମାଣ କରିଥିଲେ ଏକ ଜଳସେଚନ ପ୍ରକଳ୍ପ। ହେଲେ ବନ୍ୟା ଆସିବାରୁ ପ୍ରକଳ୍ପର ଏକାଧିକ ସ୍ଥାନରେ ଫାଟ ସୃଷ୍ଟି ହୋଇଛି।
ଧୋଇଗଲା ଜଳସେଚନ ପ୍ରକଳ୍ପ, ଚିନ୍ତାରେ ଖଇରକାନି ଚାଷୀ
ଗାଁ ନିକଟରେ ପ୍ରବାହିତ ହେଉଥିବା ଅରଖେଇ ନାଳ ଉପରେ ନିର୍ମାଣ ହୋଇଥିଲା ଏହି ଜଳସେଚନ ପ୍ରକଳ୍ପ। ଏହି ପ୍ରକଳ୍ପ ଦ୍ବାରା ଖଇରକାନି, ଝିମ୍ପାବିରା ଓ ନୀଳଗଣ୍ଡିଆ ଆଦି ତିନୋଟି ଗାଁର ପାଖାପାଖି 400 ହେକ୍ଟର ଚାଷଜମି ଜଳସେଚିତ ହେଉଥିଲା । ପ୍ରକଳ୍ପ ଯୋଗୁଁ ଗ୍ରାମବାସୀ ଧାନଚାଷ କରିବା ସହ ବିଭିନ୍ନ ପନିପରିବା ଚାଷ କରି ଗୁଜୁରାଣ ମେଣ୍ଟାଇ ଆସୁଥିଲେ ।