ଦେବଗଡ଼: ଗରିବ ବାସହୀନ ଲୋକଙ୍କୁ ଇନ୍ଦିରା ଆବାସ ଯୋଗାଇ ଦେଇଥିଲେ ସରକାର । ହେଲେ ଗରିବ ଲୋକଙ୍କ ସରଲତାର ସୁଯୋଗ ନେଇ ଅନୁଦାନ ଟଙ୍କା ହଡପ କରିନେଲେ ଅସାଧୁ ଠିକାଦାର । ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ଦେବଗଡ଼ ଜିଲ୍ଲା ତିଳେଇବଣି ବ୍ଲକ କାର୍ଯ୍ୟାଳୟ ଠାରୁ ମାତ୍ର କେଇ ମିଟର ଦୂରରେ ଅବସ୍ଥିତ କେନ୍ଦୁଛାପଲ ଗାଁରେ । ଏହି ଗାଁରେ ବସବାସ କରି ଆସୁଛନ୍ତି 40 ଟି ମାଙ୍କଡ଼ିଆ ସମ୍ପ୍ରଦାୟର ଆଦିମ ଜନଜାତି ପରିବାର । ଏହି ଜନଜାତି ଲୋକଙ୍କୁ ଗତ 2013-14 ମସିହାରେ ସରକାର ମଞ୍ଜୁର କରିଥିଲେ ଖଣ୍ଡିଏ ଲେଖାଏଁ ଇନ୍ଦିରା ଆବାସ ।
ଇନ୍ଦିରା ଆବାସ ଟଙ୍କା ନେଇ ଠିକାଦାର ଛୁ, ଭଙ୍ଗା କୁଡ଼ିଆରେ ମାଙ୍କଡା ପରିବାର
ମାତ୍ର , ସୁଦୂର ସମ୍ବଲପୁର ଅଞ୍ଚଳର ମନୋଜ ଅଗ୍ରୱାଲ ନାମକ ଜଣେ ଠିକାଦାର ଏହି ନିରୀହ ଗରିବ ହିତାଧିକାରୀଙ୍କ ସରଳତାର ସୁଯୋଗ ନେଇ 'ବାସଗୃହ ନିର୍ମାଣର କାର୍ଯ୍ୟାଦେଶ ବ୍ଲକ କାର୍ଯ୍ୟାଳୟରୁ ପାଇଛି' ବୋଲି ଲୋକଙ୍କୁ ଠକି ସେମାନଙ୍କ ପାଖରୁ ପାସବୁକ୍ ଓ ଦସ୍ତଖତ ନେଇ ବ୍ୟାଙ୍କରୁ ଅନୁଦାନ ଟଙ୍କା ଉଠାଇ ନେଇଥିଲେ ।