ଦେବଗଡ: ଜିଲ୍ଲା ବନବିଭାଗକୁ ସଫଳତା । ବେଆଇନ କେନ୍ଦୁପତ୍ର ଚାଲାଣ ବେଳେ ଚଢାଉ କରି 200ବଣ୍ଡଲ କେନ୍ଦୁପତ୍ର ଜବତ କରିବା ସହିତ କେନ୍ଦୁପତ୍ର ବୋଝେଇ ପିକଅପ ଭ୍ୟାନ ଜବତ କରିବା ସହିତ ଦୁଇଜଣଙ୍କୁ ଗିରଫ କରିଛି ବନ ବିଭାଗ ।
ବନ ବିଭାଗ ପକ୍ଷରୁ ମିଳିଥିବା ସୂଚନାଅନୁସାରେ ସମ୍ବଲପୁର ଜିଲ୍ଲାର ଜମନକିରାରୁ ଏକ ପିକଅପ ଭ୍ୟାନରେ ପଶ୍ଚିମବଙ୍ଗରୁ କେନ୍ଦୁପତ୍ର ଚୋରାରେ ଚାଲାଣ ହେଉଥିଲା । ଏନେଇ ବନ ବିଭାଗ ବିଶେଷ ସୁତ୍ରରୁ ଖବର ପାଇଥିଲା । ଦେବଗଡ ବନଖଣ୍ଡ ଅଧିକାରୀ କ୍ଷମା ଷଡଙ୍ଗୀ ବିଭାଗୀୟ କର୍ମଚାରୀଙ୍କୁ ଚାଲାଣକାରୀ କାବୁ କରିବାକୁ ନିର୍ଦ୍ଦେଶ ଦେଇଥିଲେ । ନିର୍ଦ୍ଦେଶ ଅନୁଯାୟୀ ଦେବଗଡ ଫରେଷ୍ଟର ପ୍ରଶନ୍ନ କୁମାର ସାହୁ, ତିଲେଇବଣି ଫରେଷ୍ଟର ସୁଧାଂଶୁ ବେହେରା, ଦେବଗଡ ଫରେଷ୍ଟଗାର୍ଡ ଭୋଳେଶ୍ବର ସାହୁ,ତିଲେଇବଣି ଫରେଷ୍ଟଗାର୍ଡ ଅଶୋକ ପାନ୍ନା ପ୍ରମୁଖ ସ୍କ୍ବାର୍ଡ ସହ ଉକ୍ତ ପିକଅପ୍ ଭ୍ୟାନକୁ ଜବତ କରିରାରୁ ପିଛା କରିଥିଲେ ।