ଦେବଗଡ: ଚିକିତ୍ସା ପାଇଁ ଅର୍ଥ ସାଜିଛି ବାଧକ । ଦୀର୍ଘ ଆଠବର୍ଷ ହେଲା ଅଜଣା ରୋଗରେ ଛଟପଟ ହେଉଛନ୍ତି ଦେବଗଡ ରାଇତାଳର ବନମାଳୀ ମୁଣ୍ଡା । ବୟସ ପାଖାପାଖି 60 ହେବ । ଆଜକୁ ଦୀର୍ଘ ଆଠବର୍ଷ ହେଲା କୌଣସି ଅଜଣା ରୋଗରେ ପୀଡିତ ହୋଇ ସେ ନାହିଁ ନଥିବା ଯନ୍ତ୍ରଣା ଭୋଗୁଛନ୍ତି । ନା ତାଙ୍କର ମୁହଁ ଖୋଲୁଛି ନା ହାତଗୋଡ଼ ଚଳ ପ୍ରଚଳ କରି ପାରୁଛନ୍ତି । ଏକ ପ୍ରକାର ଦିବ୍ୟାଙ୍ଗ ଅବସ୍ଥାରେ ପଡି ରହିଛନ୍ତି ବନମାଳୀ । ଚିକିତ୍ସା ପାଇଁ ନିଜର ଜମିବାଡ଼ି ବିକ୍ରୟ କରି ସର୍ବସାନ୍ତ ହେବାପରେ ମଧ୍ୟ ଆରୋଗ୍ୟ ଲାଭ କରିପାରି ନାହାନ୍ତି ସେ ।
ଆଠବର୍ଷ ହେଲା ରୋଗ ଶଯ୍ୟାରେ ବନମାଳୀ , ଚିକିତ୍ସା ପାଇଁ ଅର୍ଥ ସାଜିଛି ବାଧକ